27.11.2024 | 14:34
Լեհաստանի նախագահը ԵՄ դիտորդների հետ պարեկություն է արել ՀՀ-Ադրբեջան սահմանին
ԱՄՆ-ն ու ԵՄ-ն մտադիր են մինչ 2030 թ. մեթանի արտանետումները 30 տոկոսով նվազեցնել
Քաղաքականություն
14.09.2021 | 15:00
Միացյալ Նահանգներն ու Եվրամիությունը ընդհանուր նպատակ ունեն ՝ մինչև 2030 թվականը մեթանի արտանետումների քանակը նվազեցնել առնվազն 30 տոկոսով (2020 թվականի մակարդակի համեմատ): Այս մասին են վկայում լրագրողների ձեռքի տակ հայտնված «Մեթանի համաշխարհային պարտավորություն» (Global Methane Pledge) նախագիծը, հայտնում է Al-Jazeera-ն:
Ինչպես նշվում է փաստաթղթում, «մթնոլորտում մեթանի կարճատև կյանքը նշանակում է, որ այս պահին գործողություններ ձեռնարկելը կարող է արագ նվազեցնել գլոբալ տաքացման արագությունը»: Ակնկալվում է, որ այն կազդի մեթանի արտանետմանը նպաստող հիմնական ոլորտների վրա՝ նավթ և գազ, ածուխ, գյուղատնտեսություն և թափոնների ոլորտ:
Գլոբալ նախաձեռնությանը հրավիրվել են միանալ ավելի քան 20 պետություններ, այդ թվում ՝ Ռուսաստանը, Չինաստանը, Բրազիլիան, Սաուդյան Արաբիան, Նորվեգիան, Մեծ Բրիտանիան և այլք: Նախագիծը, ամենայն հավանականությամբ, կներկայացվի սեպտեմբերի 17 -ին` մթնոլորտում ամենից շատ վնասակար արտանետումների համար պատասխանատու երկրների ներկայացուցիչների հանդիպմանը:
Հավելենք, որ ջերմոցային գազ մեթանի արտանետումները համարվում են կլիմայի փոփոխության երկրորդ պատճառը` ածխաթթու գազից (CO2) հետո: Մեթանի արտանետումների կրճատման նախագիծը մշակվում է ՄԱԿ -ի Կլիմայի փոփոխության կոնֆերանսին ընդառաջ (COP26), որը տեղի կունենա նոյեմբերին Շոտլանդիայի Գլազգո քաղաքում: Այն ի սկզբանե նախատեսված էր 2020 թվականին, սակայն հետաձգվել է համաճարակի պատճառով:
Տաթև Ֆռանգյան
