11.10.2026 | 14:16
Թրամփն առաջարկել է Ատլանտյան օվկիանոսը վերանվանել իր պատվին
Ուկրաինան Թուրքիայից 24 միավոր Bayraktar TB2 կգնի
Քաղաքականություն
13.09.2021 | 17:40
Ուկրաինան Թուրքիայից կգնի ևս չորս Bayraktar TB2 ԱԹՍ համալիր: Յուրաքանչյուր համալիր ներառում է վեց անօդաչու թռչող սարք: Այսպիսով, Ուկրաինան նախատեսում է գնել ևս 24 միավոր ԱԹՍ: Այս մասին Report- ին տված հարցազրույցում հայտարարել է Ուկրաինայի զինված ուժերի գլխավոր հրամանատար Վալերի Զալուժնին:
«Մեկ համալիր այս տարի գնվել է Պաշտպանության նախարարության պատվերով։ Բացի այդ, Զինված ուժերի պահանջի բավարարման համար 2021-2022 թթ. նախատեսվում է գնել ևս 4 նման համալիր։ Ապագայում մենք նախատեսում ենք անօդաչու թռչող սարքերի համալիրը լրացնել տեղական արտադրության ԱԹՍ-ներով»,- պատմել է Զալուժնին։
Նա նշել է, որ Ուկրաինայում համակ ուշադրությամբ կուսումնասիրեն անօդաչուների օգտագործման մեթոդիկան։
«Նախ անհրաժեշտ է սովորել դրանց հետ արդյունավետ աշխատել, երկրորդը՝ մենք պետք է պարտադիր իմանանք դրանց կիրառման ռազմավարությունը։ Մենք պետք է համակարգային կերպով մոտենանք հարցին։ Բայրաքթարների գնմամբ գործը չի ավարտվում։ Մենք այժմ ուսումնասիրում ենք այդ սարքավորումների կիրառման ռազմավարությունը»,- ասել է Զալուժնին։
Հիշեցնենք, որ 2018 թվականի նոյեմբերին Ուկրաինան 69 միլիոն դոլարի չափով Թուրքիայից գնել էր Bayraktar անօդաչու թռչող սարքեր: Պայմանագիրը ներառում էր վեց մարտական անօդաչու թռչող սարք, երկու հրամանատարական կայան և 200 կառավարվող հրթիռ:
Իսկ 2021 թվականի մարտին հայտնի դարձավ, որ Թուրքիան սկսել է Ուկրաինայի համար նոր անօդաչու թռչող սարքեր հավաքել:
Տաթև Ֆռանգյան
