29.09.2026 | 12:44
Երուսաղեմում տղամարդը փորձել է միզել հայկական եկեղեցու պատին. ՏԵՍԱՆՅՈՒԹ
Մենք պարտավոր ենք հրապարակայնությունն ապահովել և օրենքից ոչ մի շեղում չենք անելու. Տարոն Մարգարյան
Քաղաքականություն
19.03.2018 | 16:56
Ավագանու «Ելք» խմբակցության անդամ Ալեն Սիմոնյանը ավագանու նիստերի լուսաբանման կարգի փոփոխության շուրջ Երևանի քաղաքապետարանի ծրագրերի հետ կապված այսօրվա նիստում քաղաքապետից հետաքրքրվեց, թե ի վերջո ինչ որոշում կայացվեց։
Տարոն Մարգարյանը պատասխանեց, որ իրենք դեմ են սահմանափակում տերմինին. «Մենք դեմ ենք, որ ասում են սահմանափակվում է, չի սահմանափակվում: Մենք պարտավոր ենք հրապարակայնությունն ապահովել և օրենքից ոչ մի շեղում չենք անելու»:
Քաղաքապետը նաև նշեց, որ այսօր լրագրողների համար առանձին սենյակ է հատկացվել, որը շատ հարմարավետ է: Ի պատասխան Ալեն Սիմոնյանը նկատեց` ողջ նիստի ընթացքում միայն մեկ լրագրող է այդ սենյակում աշխատել: Տարոն Մարգարյանն էլ պատասխանեց` ««Ելքի» անդամներով գնացել- նստել էիք լրագրողների տեղը»:
