16.12.2025 | 21:33
Մաշտոցը կլինի թղթի վրա, իսկ հեռախոսները՝ միայն դասի համար. Ժաննա Անդրեասյանի արձագանքը՝ քննադատություններին
Այս նախագծով Արցախի հարցերը չեն լուծվում, եկեք միմյանց չխաբենք․ Վարդանյանը՝ Վարդևանյանին. ՏԵՍԱՆՅՈՒԹ
Քաղաքականություն
10.09.2021 | 12:22
ԱԺ պետաիրավական հարցերի մշտական հանձնաժողովի արտահերթ նիստում քննարկվում է ԱԺ ընդդիմադիր խմբակցությունների ներկայացրած՝ «Արցախի հարցերով խորհրդարանական մշտական հանձնաժողով» ստեղծելու հարցը։
«Սա գործողության և ոչ թե ասելիքի դրսևորում է, այս նախագիծը հենց անելիքի մասին է»,- նշեց «Հայաստան» խմբակցության պատգամավոր Արամ Վարդևանյանը՝ հավելելով, որ Հայաստանի դիրքավորումը պետք է փոխվի՝ կապված Արցախի հարցի հետ. պետք է նոր, ուժեղ դիրքավորում ցույց տալ:
«ԵԽԽՎ միջխորհրդարանական վեհաժողովում «ձեր խոնարհ ծառան» փորձեց ձևակերպում հանել, գրված էր, որ պետությունները պետք է ձգտեն զերծ մնալ ուժի կիրառումից, եթե հնարավոր է վեճը լուծել խաղաղ եղանակով, ես պնդել եմ, և իմ առաջարկով այդ դրույթը դուրս է եկել, որովհետև դա ՄԱԿ-ի կանոնադրության 2. 4 հոդվածի խախտում է: Այս նախագծով այդ հարցերը չեն լուծվում, եկեք միմյանց չխաբենք»,- նշեց ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանը:
«Արցախի Հանրապետություն բառով անգամ իրավիճակը տեղից շարժելու ազդակ կտանք. դա վատթարացնող չի՛ կարող լինել»,- արձագանքեց Վարդևանյանը:
Մանրամասները՝ տեսանյութում:
