19.12.2025 | 17:34
Արման Ծառուկյան․ Գեյջին ու Փիմբլեթն իմ մակարդակի մարտիկներ չեն
Ազատ ոճայինները 9 մեդալ են նվաճել Խարկովի միջազգային մրցաշարում
19.03.2018 | 16:14
Հայ ազատ ոճային ըմբիշները օրերս մասնակցել են Խարկովում կայացած Հովհաննես Սահակյանի անվան հուշամրցաշարին, որտեղ նվաճել են 9 մեդալ:
Այս մասին հայտնում է Հայաստանի ըմբշամարտի ֆեդերացիայի պաշտոնական կայքը:
Մրցաշարի հաղթող են դարձել 70 կգ քաշային կարգի Գևորգ Մխեյանը և 79 կգ քաշային կարգի Վարուժան Կաջոյանը:
Արծադե մեդալակիրներ են դարձել Արսեն Հարությունյանը (61 կգ), Արման Ավագյանը (79 կգ) և Հովհաննես Մխիթարյանը (86 կգ):
Բրոնզե մեդալներ են նվաճել 57 կգ քաշային Կարեն Զուրաբյանը, Գոռ Թորոսյանը (65 կգ) և 86 կգ քաշայիններ Իգոր Սարգսյանն ու Մարզպետ Գալստյանը:
ՀԸՖ կայքի հետ զրույցում ազատ ոճի ըմբշամարտի Հայաստանի հավաքականի գլխավոր մարզիչ Հաբեթնակ Կուրզինյանը մասնավորապես նշել է.
«Տղաների ելույթները նորմալ էին: Հիմնականում երիտասարդ ըմբիշների էին մասնակցում այս մրցաշարին: Խոստումանլից մարզիկներ կան, որոնց հետ պետք է աշխատենք և բարձր արդյունեքների հասնենք»:
