14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
400 մ-ի վրա են տղերքը հասկացել, որ հակառակորդն ա մոտենում, ոչ թե՝ մերոնք. զոհվածի հայր. ՏԵՍԱՆՅՈՒԹ
09.09.2021 | 12:18
ՊԲ N զորամասի Դ-20 հրետանային դիվիզիոնի շտաբի պետ-հրամանատարի տեղակալ, մայոր Գ. Գևորգյանին առաջադրված մեղադրանքի առնչությամբ մամուլի ասուլիս է հրավիրվել, որի կազմակերպիչները Ցորի զորամասի Դ-20 հրետանային դիվիզիոնի անհետ կորած զինծառայողների ծնողներն են:
«Գևորգ Գևորգյանն իր կազմի հետ դուս է եկել և չի վերադարձել որևէ մեկին հետ բերելու… Պայքարելու ենք, որ արդարությունը լիարժեք լինի: Միայն Գևորգ Գևորգյանը չի մեղավոր, մարդիկ պետք է պատասխան տան»,- այս մասին նշեց զոհված զինվորի հայր, Զոհված և անհետ կորած զինծառայողների հարազատների միության նախագահ Արմեն Ասրյանը:
«Ջալալ Հարությունյանը հիմա եթե հրաժարվում է իր ասածից, պետք է առերեսում կատարվի Ջալալ Հարությունյանի ու Գենադի Բաղդասարյանի միջև:
Երբ որ Ստեփանակերտում հրավիրել էի հանդիպման Գենադի Բաղդասարյանին և դիվիզիոնի սպայակազմին, ծնողների ներկայությամբ Բաղդասարյանն ասաց, որ «Մերոնք են, չկրակեք» հրամանը Ջալալ Հարությունյանից է ստացել:
400 մ-ի վրա, երբ որ հակառակորդն արդեն հասել էր բլրի վրա, ու ամեն ինչ ափի մեջ երևում էր, մեր տղերքը հասկացել են, որ հակառակորդն է մոտենում, ոչ թե մերոնք, բայց արդեն ուշ է եղել:
Ջաջալ Հարությունյանը հերքել է և ասել, որ «մերոնք են, չկրակել» հրաման չի տվել, այլ ասել է. «Կարողա ա մերոնք լինեն, նայեք՝ մերոնց չխփեք»:
Մանրամասները՝ տեսանյութում:
