23.08.2026 | 22:08
2 քննիչներին ծեծի ենթարկած ոստիկանը և ևս 1 մեղադրյալ կալանավորվել են․ ՔԿ
Թալիբները թույլատրել են 200 օտարերկրացու լքել Աֆղանստանը
Քաղաքականություն
09.09.2021 | 14:04
«Թալիբան» շարժումը թույլատրել է 200 ամերիկացիների և այլ երկրների քաղաքացիների՝ չարթերային չվերթով հեռանալ Աֆղանստանից։ Այս մասին հայտնում է Reuters-ը։
Ավելի վաղ ԱՄՆ պետքարտուղար Էնթոնի Բլինքենը հայտարարել էր, որ չարթերային չվերթներ են կազմակերպվել Աֆղանստանից մարդկանց տարհանման համար, սակայն թալիբները թույլ չեն տալիս դրանց թռչել։
«Մենք թույլատրել ենք չարթերային չվերթով Քաբուլից տարհանել Ամերիկայի ու այլ երկրների 200 քաղաքացիների։ Ամերիկացիներն ու նրանք, որոնք ունեն եվրոպական անձնագիր, կթռչեն Քաբուլի օդանավակայանից հինգշաթբի ցերեկը»,- հայտնել է «Թալիբան»-ի ներկայացուցիչը։
Թալիբները մեկ ամիս առաջ ակտիվացրին հարձակումները կառավարական ուժերի դեմ, օգոստոսի 15-ին արդեն մտան Քաբուլ, իսկ հաջորդ օրը հայտարարեցին, որ պատերազմն ավարտված է: Օգոստոսի 31-ի գիշերը ամերիկացի զինվորականները վերջնականապես լքեցին Քաբուլի օդանավակայանը՝ վերջ դնելով Աֆղանստանում ԱՄՆ-ի գրեթե 20-ամյա ռազմական ներկայությանը:
Տաթև Ֆռանգյան
