14.02.2026 | 19:15
Բռնցքամարտի Հայաստանի չեմպիոնները հայտնի են
ԵԱՏՄ տնտեսությունը վերականգնվում է․ Միշուստինը կոչ է արել արագացնել անդամ երկրների տնտեսությունների թվայնացումը
Քաղաքականություն
20.08.2021 | 11:22
Ռուսաստանի վարչապետ Միխայիլ Միշուստինը կոչ է արել արագացնել Եվրասիական տնտեսական միության երկրների տնտեսությունների թվայնացումը, գրում է ՌԻԱ Նովոստին։
«Ինտեգրացումը խորացնել կօգնի նաեւ «հնգյակի» միասնական թվային տարածության ստեղծումը, մենք պետք է պայմաններ ստեղծենք մեր տնտեսությունների արագ «թվի» անցման համար, ներդնենք առաջավոր տեխնոլոգիաներ եւ պրակտիկաներ»,- ասել է նա Եվրասիական միջկառավարական խորհրդի ընդլայնված կազմով նիստին։
Միշուստինը նշել է, որ այս ուղղությամբ արդեն կան որոշ արդյունքներ:
ՌԴ վարչապետը նաև նշել է, որ ԵԱՏՄ տնտեսությունը կորոնավիրուսի համավարակի ֆոնին աստիճանաբար վերականգնվում է՝ համատեղ գործողությունների շնորհիվ:
«Համավարակի շրջանը ցույց տվեց, որ մեր Միությունն ունակ է օպերատիվ եւ ճկուն ադապտացվելու տարբեր մարտահրավերների եւ փոփոխությունների: Համատեղ գործողությունների շնորհիվ ԵԱՏՄ տնտեսությունն աստիճանաբար վերականգնվում է»,- հայտարարել է նա:
