17.05.2024 | 12:04
Արմեն Գրիգորյանը՝ ՀՀ-ից տարածք հանձնելու պնդումների մասին, Կիրանցի ուղղությամբ տեղաշարժը սահմանափակված է․ ԼՈՒՐԵՐ
Գորիսի փոխքաղաքապետ Իրինա Յոլյանն ազատ արձակվեց
Հասարակություն
19.08.2021 | 10:45
Գորիսի փոխքաղաքապետ Իրինա Յոլյանը չի կալանավորվի։ Երևան քաղաքի առաջին ատյանի ընդհանուր իրավասության դատարանի դատավոր Կարեն Ֆարխոյանի որոշմամբ՝ Յոլյանն ազատ է արձակվել:
Այս մասին Factor.am-ի հետ զրույցում հայտնեց նրա պաշտպան Էրիկ Ալեքսանյանը։
Գորիսի համայնքապետարանի աշխատակիցներ Արմինե Չոփչունցը և Սուսաննա Մկրտչյանը ևս չեն կալանավորվի։ Օգոստոսի 17-ին ձերբակալված անձանցից միայն Մենուա Հովսեփյանի նկատմամբ ընտրվեց խափանման միջոց կալանքը։
Հիշեցնենք՝ 2021թ. օգոստոսի 16-ին Քննչական կոմիտեում որոշումներ էին կայացվել Գորիս համայնքի ղեկավարի պաշտոնակատար Իրինա Յոլյանին, համայնքապետարանի երկու աշխատակիցներին ՀՀ քրեական օրենսգրքի 179-րդ հոդվածի 3-րդ մասի 1-ին կետով, իսկ համայնքի ղեկավարի տեղակալ Մենուա Հովսեփյանին՝ ՀՀ քրեական օրենսգրքի 149.1-րդ հոդվածի 2-րդ մասի 1-ին և 2-րդ կետերով, 179-րդ հոդվածի 3-րդ մասի 1-ին և 179-րդ հոդվածի 2-րդ մասի 1-ին կետերով նախատեսված հանցավոր արարքներ կատարելու համար որպես մեղադրյալներ ներգրավելու մասին:
Ռոզա Վարդանյան
