09.09.2026 | 08:46
Փաշինյանը մեկնել է Ֆրանսիա՝ մասնակցելու Միջազգային տիեզերական գագաթնաժողովին
Գագիկ Եղիազարյանին չթույլատրվեց մասնակցել դատական նիստին
Հասարակություն
14.03.2018 | 12:21
Շենգավիթ վարչական շրջանի ընդհանուր իրավասության դատարանում դատավոր Մեսրոպ Մակյանի նախագահությամբ շարունակվում է «Սասնա ծռեր» խմբի տասը անդամների գործով հերթական դատական նիստը:
Մեղադրողը շարունակում է հրապարակել գործում առկա գրավոր ապացույցները: Դատավորը նիստի մեկնարկին չթույլատրեց նիստերի դահլիճ վերադառնալ ամբաստանյալ Գագիկ Եղիազարյանին, որի նկատմամբ 20 ժամով նիստերի դահլիճից հեռացնելու սանկցիա էր կիրառվել: Այսօրվա նիստում լրացան Արայիկ Խանդոյանի և Սմբատ Բարսեղյանի նկատմամբ կիրառված սանկցիաների ժամկետները, նրանք բերվեցին նիստերի դահլիճ, որտեղ նիստին ներկա «Սասնա ծռերի» աջակիցները ծափողջյուններով դիմավորեցին նրանց:
Մեղադրողը հրապարակում է տեսանյութերի զննման արձանագրություններ այն մասին, թե ՊՊԾ գնդի ներսում խմբի անդամները, որ օրը ինչ են արել, ինչ են հագել և այլն:
