19.12.2025 | 19:50
Քննարկվել են մայրաքաղաքում երթևեկության ծանրաբեռնվածության նվազեցմանն ուղղված առաջարկներն ու իրավիճակային լուծումները
Մի բուռ փամփուշտի համար գնացել հարևան երկիր և հետ են եկել. Անդրանիկ Քոչարյան․ ՏԵՍԱՆՅՈւԹ
Քաղաքականություն
10.08.2021 | 12:03
ԱԺ պաշտպանության և անվտանգության հարցերի մշտական հանձնաժողովի նախագահի թեկնածու Անդրանիկ Քոչարյանն արձագանքեց «Հայաստան» խմբակցության պատգամավոր Արամ Վարդևանյանի ելույթին: Վարդևանյանը նշել էր, որ երբ որ Անդրանիկ Քոչարյանն Մարտի 1-ի ամբողջ քրեական գործի ծավալին տիրապետի, այդ ժամանակ կխոսի նրա հետ։
«Վարդևանյանը գուցե պետք է նշեր, որ Մարտի 1-ը բացահայտված չէ նաև իրենց՝ փաստաբանական խմբի ջանքերով»,- նշեց Քոչարյանը:
«Արամ Վարդևանյանն Ազգային ժողովում հանդես եկավ որպես Ռոբերտ Քոչարյանի փաստաբան։ Բայց նաև սկսեց այն դրվագներից՝ կերտելով Ռոբերտ Քոչարյանի կենսագրության համար նոր դրվագներ՝ Շուշիի գրավմանը մասնակից լինելու դրվագներ։ Եթե այդպես է, գուցե պարոն Վարդևանյանը հիշեցներ, թե Քոչարյանը որ ջոկատի կամ որ ստորաբաժանման շրջանակներում է մասնակցել, որովհետև այդ ժամանակ Պետական պաշտպանության կոմիտեն դեռ ձևավորված չէր։
Եթե խնդիր է դրված Ռոբերտ Քոչարյանի կերպարին անդրադառնալ, գուցե սկսենք շատ ավելի վաղ շրջանից, երբ ինքը Հայոց համազգային շարժման անդամ էր և պատգամավոր էր ընտրվում ՀՀՇ կողմից»,- ասաց Անդրանիկ Քոչարյանը:
Անդրադառնալով «Հայաստան» խմբակցության պատգամավոր Գեղամ Նազարյանի դիտարկմանը, որ օր առաջ պետք էր կանգնեցնել պատերազմը՝ Քոչարյանն արձագանքեց. «ԳՇ-ի և ՊՆ-ի խնդիրը ոչ թե օր առաջ մարտերը կանգնեցնելն է, այլ պետք է ԳՇ-ն կառավարեր գործողությունները։ Ունեցել ենք ավելի ծանր պահել, բայց հաղթահարել ենք, որովհետև խնդիր չի դրվել մեր զինվորականության կողմից՝ կանգնեք, էլ չենք կարողանում կռվել, որովհետև սպառազինությունը ավարտվում է։ Մի օրվա սպառազինություն ենք ունեցել, մարդիկ գնացել են նույնիսկ հարևան երկիր, հետ են եկել՝ մի բուռ փամփուշտի համար…
Գերտերություններն ուզեցին կանգնեցնել, կանգնեցրի՞ն, չեղավ, որովհետև հակառակորդն իր առավելությունները ֆիքսել էր՝ թե՛ սպառազինության, թե՛ նաև իր հաջողությունն էր բռնացրել և շարունակում էր»։
Մանրամասները՝ տեսանյութում:
