15.12.2025 | 18:38
Արգենտինայի հավաքականը կարող է զրկվել ԱԱ-2026-ի մասնակցության իրավունքից
Կարծիքներ կան` Փաշինյանի Արցախ այցն Ադրբեջանի կողմից կոշտ արձագանքի կարժանանա. Տիգրան Աբրահամյան
Քաղաքականություն
06.08.2021 | 18:15
Պատերազմից հետո Հայաստանի քաղաքական էլիտայի ներկայացուցիչներից որևէ մեկն Արցախ չի գնացել, այդ թվում՝ նաև վարչապետ Նիկոլ Փաշինյանը:
Factor TV-ի հետ հարցազրույցում անդրադառնալով հարցերին, թե այս ժամանակաշրջանում Արցախի համար ինչ նշանակություն կարող է ունենալ ՀՀ ղեկավարի այցը և ինչու նա չի գնում Արցախ, «Հայաստան» խմբակցության պատգամավոր Տիգրան Աբրահամյանը նշեց. «Պատերազմից հետո գրեթե ամիսը մեկ ես Արցախ եմ մեկնում, ամենատարբեր մակարդակներում քննարկումներ, խոսակցություններ եմ ունեցել՝ սկսած կենցաղից մինչև քաղաքական. մարդիկ տպավորություն են ստացել, որ քանի որ այս իշխանությունը լվացել է ձեռքերն Արցախից, և Արցախի հարցը, ինչպես Ադրբեջանը, համարում է լուծված, դրա համար էլ այլևս նպատակահարմար չի գտնում գնալ այնտեղ:
Եվ երկրորդ ինձ փոխանցված կարծիքն այն է, որ ՀՀ վարչապետը մտավախություն ունի, որ իր այցն Արցախ Ադրբեջանի կողմից կոշտ հակադրության կարժանանա, և դրանով պայմանավորված՝ այնտեղ չի գնում»:
«Այսօր արցախցիների՝ սովորական քաղաքացիներից մինչև պաշտոնատար անձանց համար Արցախ կատարած այցերը հոգեբանական առումով ահռելի նշանակություն ունեն»,- նշեց պատգամավորը և հայաստանցիներին կոչ արեց հաճախ այցելել Արցախ:
Մանրամասները՝ տեսանյութում:
