07.10.2026 | 18:03
ԵՄ դեսպանները համաձայնեցրել են ՌԴ-ի դեմ պատժամիջոցների նոր՝ ռեկորդային ցուցակը
Արցախում որոշվում է Հայաստանի Հանրապետության ապագան․ Տիգրան Աբրահամյան. ՏԵՍԱՆՅՈՒԹ
Քաղաքականություն
06.08.2021 | 16:56
Քաղաքական ընդգծված բաղադրիչ ունենալուց բացի՝ Արցախի հարցերով հանձնաժողովի ստեղծումը նաև հոգեբանական նշանակություն ունի: Այս հարցով նպատակահարմար կլիներ ԱԺ-ում հասնել կոնսենսուսի: Այս մասին ԱԺ այսօրվա նիստում նշեց «Հայաստան» խմբակցության պատգամավոր Տիգրան Աբրահամյանը:
Նրա խոսքով՝ Արցախի հետ կապված ցանկացած հարց, որ տեսանկյունից էլ դիտարկվի, իրականում ամբողջովին վերաբերում է նաև Հայաստանին: «Արցախում այսօր որոշվում է նաև Հայաստանի Հանրապետության ապագան… Մենք Արցախի ուղղությամբ իրականացվող աշխատանքներն առավել համակարգված, ինստիտուցիոնալ ռելսերի վրա դնելու անհրաժեշտություն ունենք»,- ընդգծեց Տիգրան Աբրահամյանը:
«Շատ կարևոր եմ համարում, որ Արցախում ապրող մեր հայրենակիցները հստակ իմանան, որ ցանկացած պարագայում մենք նրանց կողքին ենք,- նշեց պատգամավորը՝ հավելելով՝ Ադրբեջանի իշխանությունները պետք է գիտակցեն, որ այս պատերազմի արդյունքները Հայաստանի և Արցախի համար դատավճիռ չեն:
Մանրամասները՝ տեսանյութում:
