17.12.2025 | 14:14
«Ոչ թե աստիճան, այլ արդյունք». 2026-ից գիտնականների աշխատավարձը կախված կլինի կոնկրետ ցուցանիշներից
Լրագրողները կարող են անորակ ուղիղ հեռարձակումից օգտվել. Մարիա Կարապետյանը` սահմանափակումների մասին. ՏԵՍԱՆՅՈՒԹ
Քաղաքականություն
04.08.2021 | 16:38
Արդեն երեք օր է ԱԺ-ում լրագրողների նկատմամբ կիրառվում են ազատ տեղաշարժը խոչընդոտող սահմանափակումներ: Լրագրողները չեն կարող լինել Ազգային ժողովի՝ նախկինում հասանելիություն ունեցող տարածքներում: Factor.am-ի հետ զրույցում անդրադառնալով այս դիտարկմանը և հարցին, թե ինչու է նման որոշում ընդունվել, «Քաղաքացիական պայմանագիր» խմբակցության պատգամավոր Մարիա Կարապետյանը նշեց. «Նախկինում լրագրողները ԱԺ շենքում կարող էին տեղաշարժվել բոլոր այն տարածքներով, որտեղով որ պատգամավորները, և նրանք իրենց այդ իրավունքը երբեմն, ըստ իս, օգտագործում էին էթիկական նորմերի խախտմամբ, օրինակ՝ ընդմիջման ժամին դուռը բացելով, սանհանգույցի առջև նրան սպասելով և հարցազրույց վերցնելով և այլն»:
ԱԺ հանձնաժողովների նիստերին ևս լրագրողների մուտքը սահմանափակված է. նախատեսվում է, որ ներկա կլինեն միայն նրանք, ում կթույլատրի հանձնաժողովի նախագահը և նիստից 2 ժամ առաջ այդ լրագրողների անունները կներկայացնի ԱԺ գլխավոր քարտուղարին: Այս առնչությամբ Մարիա Կարապետյանը նշեց. «Ես այդ կարգավորումներին ծանոթ չեմ, բայց գիտեք, որ հանձնաժողովի նիստերը հեռարձակվում են, այսինքն՝ բովանդակության սահմանափակում չի կարող լինել»:
Դիտարկմանը, որ անորակ ուղիղ հեռարձակում է իրականացվում, պատգամավորն արձագանքեց. «Հասկացա՝ ինչ խնդիր եք բարձրաձայնում, քննարկելի է»:
Մանրամասները՝ տեսանյութում:
