29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Մարտի 8-ը գյուղապետի կնոջ համար սև օր է դարձել․ կռիվ ցանկապատի համար
Հասարակություն
09.03.2018 | 18:49
Կոտայքի մարզի Ողջաբերդ համայնքում մարտի 8-ը սև օր է դարձել։ 63-ամյա գյուղապետ Նորայր Մելքոնյանի կնոջն ու որդուն ծեծել են նույն գյուղի բնակիչները՝ հայր և որդի Մուշեղյանները, որոնց հետ եղել է նաև նրանց փեսան՝ 36-ամյա Սահակ Պապիկյանը և մի քանի այլ տղամարդիկ։ Այս մասին քիչ առաջ տեղեկություններ տարածվեցին Գառնիի ոստիկանության բաժանմունքից։
Տուժող գյուղապետը այսօր երեկոյան ցուցմունքներ է տվել վիճաբանության և ծեծի մասին, նաև հայտնել է, որ Մուշեղյանները կոտրել են իր մյուս որդու ավտոմեքենան։ Ո՞րն է եղել վիճաբանության պատճառը, ինչի՞ց է սկսվել կռիվը։ Ողջաբերդի մեր աղբյուրը հայտնում է, որ ամեն ինչ սկսվել է ցանկապատից. «Մուշեղյանները ցանկապատ ունեն, որը ուզել են երկարացնել, տարածքը ավելացնել։ Գյուղապետը ասել է՝ չի կարելի, դա ապօրինի է։ Նրանք էլ, թե բա՝ ոնց կուզենք, տենց կանենք, ու կռիվը սկսվել է»։
Ըստ աղբյուրի, ամենաշատը գյուղապետի կինն է տուժել, որովհետև մեջ է ընկել, երբ տեսել է, որ որդուն ծեծում են։ «4-5 հոգով հարձակվել են, հետո էլ քարերով են խփել, կնոջն էլ ա կպել», – հավաստիացնում է մեր լավատեղյակ աբղյուրը։
Սյուզան Սիմոնյան
