31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Մենք գործողություններ ենք անելու, կանենք` կտեսնեք. Արմեն Ռուստամյան. ՏԵՍԱՆՅՈՒԹ
Քաղաքականություն
03.08.2021 | 11:58
«ԱԺ նախագահի ընտրությունը տեղի է ունեցել կանոնակարգի կոպիտ խախտմամբ»,- լրագրողների հետ ճեպազրույցում այս մասին նշեց «Հայաստան» խմբակցության պատգամավոր Արմեն Ռուստամյանը:
«Դա նույնն է, որ գնան ԿԸՀ՝ գրանցելու թեկնածուներին, ԿԸՀ-ն գրանցի թեկնածուին, բայց իրեն թույլ չտան, որ մասնակցի քարոզարշավին»,- նշեց Ռուստամյանը։
Հիշեցնենք, որ ԱԺ նախագահի պաշտոններում առաջադրվել են ընդդիմադիր դաշինքի՝ մինչ այժմ դեռ կալանքի տակ գտնվող պատգամավորներ Մխիթար Զաքարյանի և Արթուր Սարգսյանի թեկնածությունները։ ԱԺ նախագահի ընտրությունը տեղի է ունեցել այդ թեկնածուների բացակայության պայմաններում։ ԱԺ նախագահ է ընտրվել Ալեն Սիմոնյանը։
Արմեն Ռուստամյանի գնահատմամբ՝ աննորմալ վիճակ է ստեղծվել: «Ստացվում է՝ ԱԺ-ն հաստատում է, որ այդ անձինք պատգամավոր են, բայց պատգամավորի լիազորությունները կասեցվում են։ Սա, բնականաբար, աննորմալ վիճակ է: Մենք փորձեցինք շտկել՝ ասելով, որ դրա հիման վրա ԱԺ նախագահի ընտրությունն է լինելու անօրինական։
Հիմա մենք ՍԴ-ից պահանջելու ենք այս պարզ հարցի պատասխանը, այն, ինչ անհեթեթ կերպով դատախազությունն է իբրև մեկնաբանել, թե անձեռնմխելիությունը հաղթահարել է ԿԸՀ-ն։ Պատգամավորի անձեռնմխելիությունը կարող է հաղթահարել միայն ԱԺ-ն»,- նշեց Ռուստամյանը՝ հավելելով, որ դատախազությունն ԱԺ-ից բխող մարմին է, ԱԺ-ն միակ առաջնային մանդատ ունեցող մարմինն է»,- ասաց Ռուստամյանը:
Անդրադառնալով նախորդ գումարման ԱԺ- կողմից օրենսդիրի ծախսերի համար հատկացվող ամսական 50 հազար դրամը 250 հազար դարձնելու վերաբերյալ նախագծի ընդունմանը, Ռուստամյանը նշեց, որ իրենց դաշինքի կողմից այդ քայլը քննադատության է արժանացել. «Ոչ միայն քննադատելու ենք, այլ նաև կոնկրետ գործողություններ էլ ենք անելու, կանենք, կհայտարարենք կիմանանք»:
Մանրամասները՝ տեսանյութում։
