24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
«Մեր գործընկերները պատանդի կարգավիճակում են»․ թեժ երկխոսություն ԱԺ-ում. ՏԵՍԱՆՅՈՒԹ
Քաղաքականություն
02.08.2021 | 11:25
«Իմ քայլի» պատգամավոր Վլադիմիր Վարդանյանն ԱԺ նիստում անդրադառնալով «Հայաստան» դաշինքի պատգամավոր Արմեն Ռուստամյանի դիտարկմանն այն մասին, թե կանոնակարգը խախտվել է, քանի որ դաշինքի անդամներ Արթուր Սարգսյանը և Մխիթար Զաքարյանը կալանքի տակ են, ընդգծեց, որ ԱԺ-ն չի կարող ազդել արդարադատության համակարգի վրա և հորդորեց հետևել Ամենայն հայոց կաթողիկոսի, ՀՀ նախագահի կոչերին` անցնել ԱԺ բնականոն աշխատանքին:
Ի պատասխան՝ «Հայաստան» դաշինքի պատգամավոր Արամ Վարդևանյանն էլ նշեց, որ մեծ ցավ է ապրում, քանի որ Վլադիմիր Վարդանյանը քաջ գիտակցելով, որ որևէ բացառություն չկա պատգամավորին իր անձեռնմխելիությունից զրկելու, քան ԱԺ համաձայնությամբ, խոսում է այն մասին, որ մի դատախազ, մի դատավոր կարող է շրջանցել Սահմանադրությունը։
«Պետք է ֆիքսել, որ Մխիթար Զաքարյանն ու Արթուր Սարգսյանը ոչ թե բացակայում են, այլ պատանդի կարգավիճակում են»,- ասաց Վարդևանյանը:
Վլադիմիր Վարդանյանն արձագանքեց, որ այդ պատգամավորների նկատմամբ քրեական գործ հարուցվել է մինչ պատգամավորական մանդատ ստանալը և նրանց անձեռնմխելիությունը հաղթահարվել է ԿԸՀ-ի կողմից:
Մանրամասները՝ տեսանյութում:
