18.12.2025 | 12:34
Վրաստանն արգելել է իր քաղաքացիներին քվեարկել արտասահմանում գտնվելու ընթացքում
Բոլոր հարցերը լուծել քաղաքական-դիվանագիտական ճանապարհով․ ՌԴ ԱԳՆ հայտարարությունը հայ-ադրբեջանական սահմանային իրավիճակի մասին
Քաղաքականություն
30.07.2021 | 14:07
ՌԴ ԱԳ նախարարության տեղեկատվության և մամուլի վարչության տնօրենի տեղակալ Ալեքսանդր Բիկանտովը մեկնաբանել է հայ-ադրբեջանական սահմանին տիրող իրավիճակը։ Հայտարարությունը հրապարակվել է ՌԴ ԱԳՆ պաշտոնական կայքում։
«Լրջորեն անհանգստացած ենք հայ-ադրբեջանական սահմանի տարբեր հատվածներում վերջին զինված միջադեպերից, որոնք հանգեցրել են մարդկային զոհերի։ Ցավակցություն ենք հայտնում զոհերի ընտանիքներին, տուժածներին ու վիրավորներին առողջություն մաղթում։ Ցավոք, իրավիճակը սահմանին շարունակվում է մնալ լարված։ Կոչ ենք անում կողմերին՝ զերծ մնալ ցանկացած գործողություններից, որոնք հղի են իրավիճակի հետագա դեգրադացիայով, լուծել առաջացող հարցերը քաղաքական-դիվանագիտական ճանապարհով»,- ասվում է հայտարարության մեջ։
Նշվում է նաև, որ Ռուսաստանը պատրաստ է շարունակել անհրաժեշտ օժանդակություն ցուցաբերել հայ-ադրբեջանական սահմանին իրավիճակի կարգավորման համար՝ ապաէսկալացիայի միջոցով, սահմանի դելիմիտացիայի և դեմարկացիայի համատեղ աշխատանքների շուտափույթ մեկնարկով։
«Մտադիր ենք ակտիվ աշխատել Անդրկովկասը կայունության, անվտանգության, բարգավաճման գոտու վերածելու համար՝ Ադրբեջանի, Հայաստանի և ՌԴ ղեկավարների 2020 թվականի նոյեմբերի 9-ի ու 2021-ի հունվարի 11-ի եռակողմ հայտարարություններին համապասխան»,- ասվում է ՌԴ ԱԳՆ հայտարարությունում։
Էմմա Չոբանյան
