09.06.2026 | 15:50
Ընտրակաշառքի համար՝ բանտ մինչև հաջորդ ընտրություններ․ Փաշինյանի հանձնարարականը․ ՏԵՍԱՆՅՈՒԹ
Ուժերից մեկի ղեկավարի օրոք Հոկտեմբերի 27 է եղել,պիտի ՊՊԾ ծախսն ավելացվի, որ ԱԺ-ում թնդանոթներ չլինեն. Աղազարյան․ ՏԵՍԱՆՅՈՒԹ
Քաղաքականություն
15.07.2021 | 14:13
«ԱԺ են մտնում երկու ընդդիմադիր ուժեր, որոնցից մեկի ղեկավարը Հոկտեմբերի 27-ի ժամանակ եղել է ՀՀ ղեկավարը, իսկ մյուս ուժի ղեկավարը եղել է ԱԱԾ պետը։ Դուք այստեղ խնդիր չեք տեսնո՞ւմ։ Ակնարկում եմ, որ պետական պահպանությունն ավելի հստակ պետք է իրականացնի իր գործունեությունը, որպեսզի ԱԺ-ում թնդանոթներ չհայտնվեն Ազգային ժողովում: Իհարկե, կա վտանգ»,-խորհրդարանում լրագրողների հետ զրույցում այս մասին ասաց Իմքայլը խմբակցության պատգամավոր Հովիկ Աղազարյանը՝ անդրադառնալով դիտարկմանը, որ կառավարության որոշմամբ՝ պետական պահպանության ծառայությանը 113 միլիոն դրամ կտրամադրվի՝ պետական պահպանության ծախսերի իրագործման համար:
«Կարծում եք, որ Վահե Հակոբյանը, Ռոբերտ Քոչարյանն ու Սերժ Սարգսյանը խորհրդարան են գալիս օրենսդրական աշխատանքի համա՞ր։ Ո՛չ, գալիս են իշխանություն տապալելու, որպեսզի իրենց հետ կապված գործերը լղոզվեն»։
Անդրադառնալով հարցին, թե իր կարծիքով՝ նրանք խորհրդարան են գալիս պատգամավորական անձեռնմխելիությունից օգտվելու համա՞ր, Հովիկ Աղազարյանը պատասխանեց․ «Անձեռնմխելիության խնդիր չկա, որովհետև մենք ցանկացած պահի կարող ենք ցանկացած մեկին դատախազի միջնորդությամբ զրկել անձեռնմխելիությունից։ Մենք ունենք այդ մեծամասնությունը»։
Քաղաքական մեծամասնությամբ անձին անձեռնմխելիությունից զրկելն իրավակա՞ն որոշում է, թե քաղաքական. այս հարցին ի պատասխան՝ Հովիկ Աղազարյանն ընդգծեց, որ ԱԺ-ում ցանկացած որոշում էլ քաղաքական է. «Բայց կարևոր է, թե որն է հիմքը։ Երբ դատախազը դիմում է անձեռնմխելիությունից զրկելու համար, դա չի նշանակում, որ այդ մարդուն ձերբակալելու են։ Դա նշանակում է թույլտվություն, որպեսզի պատգամավորի հանդեպ իրավական գործընթաց սկսվի»։
Մանրամասները՝ տեսանյութում:
