19.11.2024 | 14:40
Ավինյանը հայտարարեց. պատրաստ է բանավիճել Հայկ Մարությանի հետ ցանկացած ֆորմատով, ժամի ու վայրում․ ՏԵՍԱՆՅՈՒԹ
Կառավարությունն այս նախագծով հետընթաց է գրանցում տեղեկատվության մատչելիության ոլորտում․ Շուշան Դոյդոյան. ՏԵՍԱՆՅՈՒԹ
Քաղաքականություն
13.07.2021 | 14:46
ՀՀ բարձր տեխնոլոգիական արդյունաբերության նախարարությունը շրջանառության մեջ է դրել նախագծեր, որոնք ոչ միանշանակ են ընդունվել հանրության և փորձագիտական շրջանակների կողմից: Նախագծերից մեկով առաջարկվում է e-gov.am հարթակում այսուհետ չհրապարակել պետական աշխատակիցների գործուղումների նպատակի, քննարկված թեմաների, հանդիպումների, ելույթների, հանդիպման ժամանակ ընդունված որոշումների մասին տեղեկությունները։ Մյուս նախագծով էլ առաջարկվում է e-gov.am կայքից հեռացնել մեկ անձից իրականացված գնումների մասին տեղեկատվությունը:
Նախագծերի հիմնավորումն այն է,որ հաշվետվություններում ներկայացվող տեղեկատվությունը կարող է առաջացնել ռիսկեր ՀՀ պետական շահերի սպասարկման տեսանկյունից:
«Ազգային անվտանգության շահերից ելնելով փակել տեղեկատվությունը. հիմնավորվա՞ծ է ԲՏԱ նախարարության նախագծի անհրաժեշտությունը» թեմայով քննարկման ժամանակ Ինֆորմացիայի ազատության կենտրոնի նախագահ Շուշան Դոյդոյանը նկատեց, որ նախագծերի մշակման գործընթացը իրականացվել է գաղտնի, քաղհասարակությունից և ողջ հասարակությունից թաքուն, մինչդեռ թեման վերաբերում է տեղեկատվության ազատությանը, հրապարակայնությանը և հաշվետվողականությանը, և այս գործելաոճն անընդունելի է:
Դոյդոյանն ընդգծեց, որ կառավարությունն այս նախագծով հետընթաց է գրանցում տեղեկատվության մատչելիության և ազատության ոլորտում:
Մանրամասները՝ տեսանյութում:
