18.12.2025 | 14:05
Ռուբեն Վարդանյանը մանրամասներ է հայտնել Բաքվում սպասվող իր եզրափակիչ ելույթից
Թալիբներն Աֆղանստանում մահապատժի են ենթարկել 22 զինվորականի, որոնք փորձել են հանձնվել
Քաղաքականություն
13.07.2021 | 16:02
Հունիսի 16-ին Աֆղանստանի և Թուրքմենստանի սահմանին գտնվող Դավլաթ Աբադ քաղաքում «Թալիբան» շարժումը մահապատժի է ենթարկել Աֆղանստանի հատուկ ուժերի միավորումների տասնյակ զինվորականների, որոնք փորձել են հանձնվել թալիբներին։
CNN-ի տրամադրության տակ է հայտնվել մահապատժի տեսանյութը, լրատվականը խոսել է նաև ականատեսների հետ։ Տեսանյութում երևում է, թե ինչպես են զինվորականների դիերը ցաք ու ցրիվ եղել բացօթյա շուկայում:
Քաղաքը գրավելու համար մղված կատաղի պայքարից հետո զինվորականները սպառել են զենք-զինամթերքը և թալիբների շրջափակման մեջ հայտնվել, պատմել են ականատեսները:
Կարմիր խաչը հաստատել է 22 աֆղան զինվորականների սպանությունը։
CNN-ը նշում է, որ աֆղան զինվորականների սպանությունը խիստ հակադրվում է թալիբների ջանքերին, որոնք փորձում են ի ցույց դնել, թե ընդունում են աֆղան զինվորների հանձնվելը և անգամ որոշ դեպքերում վճարում նրանց՝ տուն հասնելու համար, քանի որ դա իրենց համար Աֆղանստանում նոր տարածքների ձեռքբերում է դառնում։
Տեսանյութը՝ այստեղ։
Տաթև Ֆռանգյան
