05.05.2024 | 21:52
7 ոսկի և 2 արծաթ. Հայաստանի հավաքականը ավարտեց ելույթները ուշուի ԵԱ-ում
97,7 հազար քաղաքացի արդեն պատվաստվել է. Անահիտ Ավանեսյան. ՏԵՍԱՆՅՈՒԹ
08.07.2021 | 11:23
Առողջապահության նախարարի պաշտոնակատար Անահիտ Ավանեսյանն այսօր կառավարության նիստում ներկայացնելով համաճարակային իրավիճակը, հայտնեց, որ կորոնավիրուսի հիվանդացության թվերն աճում են: «Նկատում ենք կորոնավիրուսով հիվանդացության թվերի ու վերարտադրության ցուցանիշի մի փոքր աճ, ինչը մեզ ևս մեկ անգամ «կարմիր լույսով» զգուշացնում է, որ պետք է մեծ ուշադրություն դարձնենք պատվաստումների գործընթացը արագացնելուն»։
Նախարարի պաշտոնակատարը տեղեկացրեց, որ այսօրվա դրությամբ իրականացրել են 97 հազար 711 պատվաստում, երեկ իրականացրել են 5 հազար 416 պատվաստում, ինչը, ըստ նրա, բավական լավ ցուցանիշ է:
«Մենք աճի այս տեմպը պետք է պահպանենք։ Եթե 2-3 շաբաթ առաջ մենք օրական մինչև 2000 պատվաստում էինք իրականացնում, ապա արդեն իսկ նկատելի է աճի տեմպը»:
«Ամենօրյա ռեժիմով ակտիվ աշխատում ենք պատվաստանյութերի այլ տարբերակներ ՀՀ ներկրելու համար, բայց ամենակարևորն այն է, որ ունենք երեք տեսակի պատվաստանյութերի առկայություն, որոնք անվճար են և արդյունավետ»,- նշեց Ավանեսյանը:
Մանրամասները՝ տեսանյութում:
