11.10.2026 | 14:16
Թրամփն առաջարկել է Ատլանտյան օվկիանոսը վերանվանել իր պատվին
Կիմ Չեն Ընը հայտարարել է COVID-19-ի հետ կապված «լուրջ միջադեպի» մասին, որը կարող է սպառնալ երկրի անվտանգությանը
Քաղաքականություն
30.06.2021 | 16:16
Հյուսիսային Կորեայի առաջնորդ Կիմ Չեն Ընը հայտարարել է COVID-19-ի հետ կապված «լուրջ միջադեպի» մասին, որը կարող է սպառնալ երկրի անվտանգությանը՝ չնայած համապետական հակահամաճարակային ջանքերին, գրում է Yonhap-ը։
Կորեայի Աշխատավորական կուսակցության քաղբյուրոյի նիստի ժամանակ Կիմ Չեն Ընը բարձրաստիճան պաշտոնյաներին մեղադրել է կորոնավիրուսի համաշխարհային համաճարակի դեմ պայքարի համար անհրաժեշտ գործողություններն իրականացնելիս իրենց պարտականություններն անտեսելու մեջ:
Նրա խոսքով՝ «հիմնական գործոնը, որը խոչընդոտում է կարևոր առաջադրանքների կատարմանը, բարձրաստիճան պաշտոնյաների անկարողությունն ու անպատասխանատվությունն է»:
«Ընդհանուր կուսակցական պայքարը պետք է տարվի գաղափարական արատների և բոլոր տեսակի բացասական գործոնների դեմ, որոնք հայտնվում են բարձրաստիճան պաշտոնյաների շարքում»,- ասել է նա:
Կիմ Չեն Ընի մատնանշված «լուրջ միջադեպի» վերաբերյալ մանրամասներ չեն հաղորդվել:
Տաթև Ֆռանգյան
