30.06.2026 | 12:48
ՍԴ նախագահը լուծեց խնդիրը․ Զեյնալյանը՝ Սեդա Սաֆարյանի հնչեցրած հարցի մասին․ ՏԵՍԱՆՅՈՒԹ
Պուտինը հանձնարարել է կազմակերպել օտարերկրյա միգրանտների պատվաստումը կորոնավիրուսի դեմ
Քաղաքականություն
27.06.2021 | 19:17
Մինչև հունիսի 30-ը ՌԴ նախագահ Վլադիմիր Պուտինը զեկույցի է սպասում երկրում օտարերկրացիների համար կորոնավիրուսի դեմ վճարովի պատվաստումների հնարավորությունների ապահովման վերաբերյալ, և մինչև հուլիսի 15-ը`աշխատանքային միգրանտների պատվաստումների կազմակերպման վերաբերյալ:
Պետության ղեկավարի համապատասխան հանձնարարականները Սանկտ Պետերբուրգի միջազգային տնտեսական ֆորումի արդյունքներից հետո հրապարակվել են կիրակի օրը Կրեմլի կայքում: Հայտնում է «Ռիա Նովոստի» գործակալությունը։
«Նոր կորոնավիրուսային վարակի (COVID-19) կանխարգելման համար Ռուսաստանի Դաշնության տարածքում օտարերկրյա քաղաքացիների և քաղաքացիություն չունեցող անձանց պատվաստման հնարավորությունն ապահովելու համար տրվել է հանձնարարական:
Բացի այդ, մինչ հուլիսի 15-ը Պուտինը կարգադրել է կազմակերպել օտարերկրյա միգրանտների պատվաստումը Ռուսաստանում՝ «բացահայտելով համապատասխան գործունեության ֆինանսավորման աղբյուրները»:
