Ի՞նչ կարգով է վճարվում քաղաքացու կենսաթոշակը ՀՀ-ից բացակայելու կամ ժամանակին բանկ չներկայանալու դեպքում

Հասարակություն

23.06.2021 | 18:40

Լուրեր

11.10.2026 | 14:46

Այսօր աղջիկ երեխաների միջազգային օրն է

11.10.2026 | 14:16

Թրամփն առաջարկել է Ատլանտյան օվկիանոսը վերանվանել իր պատվին

11.10.2026 | 13:23

Հոկտեմբերի 13-16-ին Հայաստանի առանձին շրջաններում անձրև կտեղա

11.10.2026 | 13:06

Վթարային ջրանջատում Վանաձոր քաղաքում

11.10.2026 | 12:45

ԱԹՍ-ների պատճառով Վլադիմիրում Yandex-ի տվյալների կենտրոնը դադարեցրել է աշխատանքը․ խնդիրներ՝ նաև Հայաստանում

11.10.2026 | 12:06

Հայ զինծառայողները վարժանքներ են անցկացրել «Արամազդ» հրետանային միջոցով և նոր տեխնիկայով

11.10.2026 | 11:47

Երեք քաղաքացի մոլորվել է Լանջազատի մոտակայքում․ փրկարարները գտել են նրանց

11.10.2026 | 11:22

Երևանի 4 վարչական շրջաններում և Արարատի մարզի գյուղերում մինչև 36 ժամ ջուր չի լինի

11.10.2026 | 11:11

Թոմաս Ադորյանը գեղեցիկ գոլ է խփել երկրորդ խաղում անընդմեջ. ՏԵՍԱՆՅՈՒԹ

11.10.2026 | 11:03

Երևանում վիճաբանության ժամանակ հրազեն է գործի դրվել․ կա երեք վիրավոր

11.10.2026 | 10:31

ՀՀ տարածքում ավտոճանապարհներն անցանելի են

11.10.2026 | 10:11

Շանհայ. Կարեն Խաչանովը դուրս եկավ 1/8 եզրափակիչ

11.10.2026 | 10:00

Նորբերտո Բրիասկո Բալեկյանն առաջին դուբլն է գրանցել կարիերայում. ՏԵՍԱՆՅՈՒԹ

11.10.2026 | 09:46

Մեսին ու Սուարեսը երկուական գոլ են խփել. ՏԵՍԱՆՅՈՒԹ

11.10.2026 | 00:27

«Համաշխարհային առևտրի կենտրոն Երևան» նախագիծը միշտ արդիական կլինի Երևանի համար և կնպաստի քաղաքի ինքնության ձևակերպմանը. վարչապետ

Բոլորը

Եթե կենսաթոշակն անկանխիկ եղանակով ստացող կենսաթոշակառուն սահմանված ժամանակահատվածում (տարեկան մեկ անգամ) չի ներկայացել բանկ՝ ՀՀ-ում լինելու մասին հայտարարություն ստորագրելու համար, ապա վերջին անգամ բանկ ներկայանալու ամսվան հաջորդող ամսվա 1-ից կենսաթոշակի վճարումը դադարեցվում է. տեղեկացնում են ՀՀ սոցապնախարարությունից:

Այս դեպքում, կենսաթոշակի վճարումը կվերսկսվի, եթե քաղաքացին կենսաթոշակի վճարումը դադարեցնելու ամսվանից 12 ամսվա ընթացքում ներկայանա բանկ կամ անձամբ դիմի Միասնական սոցիալական ծառայության ցանկացած տարածքային բաժին։

Եթե կենսաթոշակը կանխիկ եղանակով ստացող քաղաքացին 12 ամիս անընդմեջ չի ստացել կենսաթոշակ, ապա 12 ամսվան հաջորդող ամսվա 1-ից կենսաթոշակի վճարումը դադարեցվում է։ Կենսաթոշակի վճարումը վերսկսելու համար քաղաքացին անձամբ պետք է դիմի Միասնական սոցիալական ծառայության ցանկացած տարածքային բաժին։

Ընդ որում, կենսաթոշակի վճարումը վերսկսվելու դեպքում չվճարված կենսաթոշակը կտրամադրվի դիմելու ամսվան նախորդող մեկ տարվա այն ժամանակահատվածի համար, որի ընթացքում անձը կենսաթոշակ ստանալու իրավունք է ունեցել։

Եթե կենսաթոշակի վճարումը դադարեցված չէ, ապա կենսաթոշակը կարող է վճարվել նաև կենսաթոշակառուի կողմից տրված և նոտարի վավերացրած լիազորագրով։

Կենսաթոշակը լիազորագրով անընդմեջ կարող է վճարվել տասներկու ամսից ոչ ավելի ժամանակահատվածում` սկսած կենսաթոշակը լիազորագրով վճարելու ամսից, բայց ոչ ավելի, քան լիազորագրի գործողության դադարումը: Լիազորագիրը տալու ամսվան հաջորդող տասներկուերորդ ամսվանից հետո կենսաթոշակը տվյալ լիազորագրով չի վճարվում: Հարկ է նշել, որ վերալիազորման կարգով տրված լիազորագրով կենսաթոշակ չի վճարվում:

Կենսաթոշակի վճարումը դադարեցված լինելու դեպքում՝ չվճարված կենսաթոշակի գումարը լիազորագրով չի վճարվում, բացառությամբ անձի՝ քրեակատարողական հիմնարկում պատիժը կրելու, հոգեբուժական հաստատությունում բուժվելու, պարտադիր ժամկետային զինվորական ծառայության զորակոչվելու կամ ՀՀ հետ կենսաթոշակային ապահովության բնագավառում միջազգային պայմանագիր կնքած պետություններ մշտական բնակության մեկնող (մեկնած) անձի կենսաթոշակի գործն ուղարկելու դեպքերի: