19.12.2025 | 14:11
Քննարկվել են ՀՀ–ԱՄՆ տնտեսական և առևտրային համագործակցության խորացման հնարավորությունները
Պետությունը իր վրա պետք է վերցնի զոհերի հուղարկավորությունների իրականացումը. նախարար. ՏԵՍԱՆՅՈՒԹ
Քաղաքականություն
10.06.2021 | 13:37
«Եթե հարազատները չվերցնեն նույնականացված դիերը դիահերձարաններից, դրանց հուղարկավորությունը կազմակերպելու պատասխանատվությունն իր վրա կվերցնի պետությունը: Այս մասին լրագրողների հետ զրույցում ասաց առողջապահության նախարարի պաշտոնակատար Անահիտ Ավանեսյանը:
Նրա խոսքով, դիակները չեն կարող երկար ժամանակ պահպանվել դիահերձարաններում, անգամ սառնարաններում: Այս ցավոտ հարցը լուծելու ուղղությամբ մի ամբողջ թիմ է աշխատում:
«Ընդհանրապես պատերազմներից հետո պիտի հասկանանք, որ ինչ-որ մի ժամանակ տրվում է, որ նույնականացման պրոցեսը իրականացվի, այնուհետև ճանաչման և հուղարկավորության: Բայց եթե կլինեն անձինք, ովքեր անհեռանկար ձևով կձգձգեն պրոցեսը, պետությունը իր վրա պիտի վերցնի պատասխանատվություն նաև հուղարկավորությունը կազմակերպելու, որովհետև որևէ տեսանկյունից ճիշտ չի այդքան երկար ժամանակով պահելը», – ասաց Անահիտ Ավանեսյանը:
Նրա խոսքով՝ այս պահին քննարկումներ են ընթանում ՊՆ-ի և այլ ինստիտուտների ներկայացուցիչների հետ. «Ցանկալի է ընդգրկել այս քննարկումներում նաև եկեղեցու ներկայացուցիչներին և համատեղ քննարկման արդյունքում գտնել այս իրավիճակի լավագույն ելքերը»:
Մանրամասները՝ տեսանյութում:
