13.01.2026 | 19:49
Ձյուն և մերկասառույց. իրավիճակը ճանապարհներին
Սաքսոնիա-Անհալթում տեղի ունեցած ընտրություններում հաղթում է Մերկելի կուսակցությունը
Քաղաքականություն
07.06.2021 | 11:53
Գերմանիայի Սաքսոնիա-Անհալթ մարզում հունիսի 6-ին տեղի են ունեցել խորհրդարանական ընտրություններ։ Համաձայն նախնական տվյալների՝ դրանցում հաղթել է կենտրոնամետ Քրիստոնյա-դեմոկրատական միությունը (ՔԴՄ)՝ հավաքելով ձայների 37,1 տոկոսը, գրում է DW-ի ռուսական ծառայությունը։
Երկրորդ տեղում է «Այլընտրանք Գերմանիայի համար» կուսակցությունը, որի օգտին քվեարկել է ընտրողների 20,8 տոկոսը։ Մտավախությունները, թե այս ընտրություններում կհաղթի «Այլընտրանք Գերմանիայի համար» կուսակցությունը՝ չիրականացան։
Ձախակողմյան կուսակցությունն ստացել է ընտրողների 11% -ի աջակցությունը, սոցիալ-դեմոկրատները ՝ 8.4%, կանաչները ՝ 5.9% և Ազատ դեմոկրատական կուսակցությունը ՝ 6.4%:
Հավելենք, որ 2016 թվականից Սաքսոնիա-Անհալթում իշխում է ՔԴՄ, «Այլընտրանք Գերմանիայի համար» և «կանաչների» կուսակցությունների կոալիցիան, որը ստացել է «քենիական անվանումը» կուսակցական խորհրդանշանների գույների՝ սև, կարմիր և կանաչ, Քենիայի դրոշի գույների հետ համընկնելու պատճառով։
Տաթև Ֆռանգյան
