17.12.2025 | 13:16
Բեռլիոզի «Ռեքվիեմ»-ը՝ Հայաստանի ազգային ակադեմիական երգչախմբի կատարմամբ
Ապատեղեկատվություն տարածող ընդդիմադիրների որդիները որտե՞ղ են եղել պատերազմի ընթացքում․ Արփի Դավոյան. ՏԵՍԱՆՅՈՒԹ
Քաղաքականություն
17.05.2021 | 16:45
Մամուլում տարբեր անձինք իրենց կարծիքն են արտահայտում Սյունիքի սահմանային հատվածում ստեղծված իրավիճակի վերաբերյալ, մասնավորապես երեկ Սյունքի նախկին մարզպետ «Վերածնվող Հայրենիք» կուսակցության նախագահ Վահե Հակոբյանը, ով ևս ընտրություններին մասնակցելու հայտ է ներկայացրել, որոշակի տեղեկություններ էր հայտնում: Նա նշել էր, որ Սև լճի տարածքում ադրբեջանցիները չորս դիրք կունենան ու 60 զինվոր:
Factor.am-ի հետ զրույցում անդրադառնալով այս դիտարկմանը՝ «Իմ քայլը» խմբակցության պատգամավոր Արփի Դավոյանը նշեց, որ բանակցություններին մասնակցել են 3 կողմ՝ ՀՀ-ի, ՌԴ-ի և Ադրբեջանի ներկայացուցիչները: Բանակցություններից հետո որևէ պաշտոնական խոսք չի եղել՝ հաշվի առնելով իրավիճակի նրբությունները և այն, որ ցանկացած հայտարարություն կարող է վնասել գործընթացին: Իսկ որոշ անձինք առավոտից երեկո լծված են սադրանքների և ստահոդ լուրերի տարածմամբ, և սկսում են իրենց «լավատեղյակությունը» ցուցադրել: Նրանք հղում են կատարում Վահե Հակոբյանին, իսկ Վահե Հակոբյանը դարձավ ադրբեջանական մամուլի աստղը: Այդ մարդիկ որևէ կապ չունեն ՀՀ-ի և ՀՀ անվտանգային համակարգի հետ»,- նշեց Դավոյանը՝ հավելելով որ այդ մարդիկ սպասարկում են նեղ անձնական, խմբային շահեր, աշխատանք են կատարում Ադրբեջանի համար:
Դավոյանն ընդգծեց, որ ստահոդ լուրեր տարածողները խարխլում են ՀՀ անվտանգությունը:
«Ապատեղեկատվություն տարածող ընդդիմադիրները, նրանց որդիները որտե՞ղ են եղել պատերազմի ժամանակ»,- նշեց պատգամավորը՝ հավելելով, որ նրանց պսևդոանհանգստությունն անտեղի է:
Մանրամասները՝ տեսանյութում:
