24.04.2026 | 23:32
Կապանում ջրանջատում կլինի
Հիմա լա՞վ է, որ Ադրբեջանցիներն արդեն ուրիշ բաներ են տեսնում․ Թովմասյանը՝ Փաշինյանին․ ՏԵՍԱՆՅՈՒԹ
Տեսանյութեր
14.05.2021 | 20:42
Պատմական ծանր ժամանակներ ենք ապրում, իմ ծննդավայրը վտանգի տակ է: Այս մասին այսօր՝ մայիսի 14-ին, Ազգային ժողովի արտահերթ նիստում նշեց ԱԺ անկախ պատգամավոր Թագուհի Թովմասյանը։
«Երբ որ ես երկու շաբաթ առաջ ԱԺ-ում հարց է բարձրացնում սահմանների կահավորվածության մասին, վարաչապետից ստացա հեգնական պատասխան, թե ինչ-որ պետք է արվում է. «Եվ լավ է, որ դու և ադրբեջանցիները չեք տեսնում»: Հիմա լա՞վ է, որ ադրբեջանցիներն արդեն ուրիշ բաներ են տեսնում»,- նշեց Թովմասյանը:
Նա նաև անդրադարձավ միասնականության կոչերին. «Ելույթներ շատ հնչեցին միասնական լինելու մասին։ Ո՞ւմ հետ միասնական լինենք։ Երբ իմ հայրենիքն էլի է փոքրացել, Ադրբեջանն առաջ է եկել, դուք շարունակում եք հայտարարություններ տարածել, թե պատգամավորի տված հարցի արդյունքում ադրբեջանցիները հարձակվեցին։ Լո՞ւրջ եք ասում։ Էս ինչ դիսկուրս է։ Դուք հասկանո՞ւմ եք մեր երկրի հետ ինչ է կատարվում և ինչպես կարելի է այսօրվա երկխոսությունը ծավալել այս տիրույթում»:
Թագուհի Թովմասյանը նշեց, որ իր համար հարց է, թե Գեղարքունիքի մարզում ինչու չկա ռուսական որևէ ներկայացվածություն։ «Կուտ համայնքից ունեմ ահազանգ, որ քաղաքացիներն անզեն կանգնած նայել են, թե ինչպես են ադրբեջանցիները մտնում հայկական տարածք։ Նրանց խնդրանքն է, որ ես բարձրաձայնեմ՝ գոնե հովիվներին տրամադրենք զենքեր, որպեսզի ինքնապաշտպանվեն։ Մարդիկ չեն կարողանում իրենց անասուններին ապահով արածեցնել։ Իհարկե, նրանք համարձակության խնդիր չունեն, բայց Հայաստանի Հանրապետությունը պարտավոր է տեր կանգնել յուրաքանչյուր քաղաքացու համար»,- նշեց պատգամավորը:
Մանրամասները՝ տեսանյութում:
