Քաղաքականություն
14.05.2021 | 12:07Պատերազմի ավարտից և սահմանային փոփոխություններից հետո ձմռան պատճառով հայկական զինված ուժերը չեն կարողացել ամբողջ սահմանը կահավորել: Այս մասին երեկոյան հայտնել է ԱԽ քարտուղար Արմեն Գրիգորյանը՝ պատասխանելով հարցին, թե ինչպես է ադրբեջանցիներին հաջողվել 3,5 կմ խորանալ ՀՀ տարածքում։
Նա ասել է, որ բանակցություններից հետո հարցը դեռ չի լուծվել, ինչով պայմանավորված Հայաստանը ՀԱՊԿ-ին է դիմել կազմակերպության պայմանագրի 2-րդ հոդվածով։ Այդ հոդվածը նախատեսում է ՀԱՊԿ արձագանքը սպառնալիքների դեպքում։
—
Ադրբեջանցիների ներխուժման մասին մանրամասներ են հայտնի դարձել այդ առթիվ հարուցված քրեական գործից։ Քննչական կոմիտեում քննվող գործի համաձայն՝ Հայաստանի տարածք ադրբեջանցիների կազմակերպված ներխուժումը սկսվել է մայիսի 12-ին, ժամը 8-ին։ Մոտ 3-3.5 կմ առաջանալով ՀՀ տարածքով, նրանք դիրքավորվել են բարենպաստ բարձունքներից մեկի վրա և նրանց մոտեցած ՀՀ ԶՈւ զինծառայողների հասցեին բռնություն գործադրելու սպառնալիքներ հնչեցնելով հայտնել, որ այդ տարածքը պատկանում է Ադրբեջանին, չեն թույլտարում առաջանալ, իսկ առաջանալու դեպքում սպառնացել են զենք կիրառել:
—
Ֆրանսիայի Հանրապետության նախագահ Էմանուել Մակրոնը ֆեյսբուքի իր էջում հայերենով գրառում է արել՝ նշելով, որ Ադրբեջանի զինված ուժերը ներխուժել են հայկական տարածք։ Նրանք պետք է անհապաղ հետ քաշվեն:
