07.10.2026 | 21:25
Հայաստանում երկաթգծերը վերականգնելու նախագծման մրցույթին ղազախական ու ուզբեկական ընկերություններ են մասնակցել, բայց չեն հաղթել
Ժողովրդից ստացած իշխանությունը վերադարձնում ենք ժողովրդին․ Փաշինյան. ՏԵՍԱՆՅՈՒԹ
Քաղաքականություն
10.05.2021 | 20:18
ՀՀ վարչապետի պաշտոնակատար և վարչապետի թեկնածու Նիկոլ Փաշինյանը ԱԺ հատուկ նիստում հայտարարեց, որ իրենց իշխանությունը միշտ գնացել է հայտարարված արժեքների հետևից: Այս մասին Փաշինյանն ասաց՝ արձագանքելով «Լուսավոր Հայաստան» խմբակցության ղեկավար Էդմոն Մարուքյանի այն դիտարկմանը, թե գործող իշխանությունը շեղվել է այն սկզբունքներից, որն ուներ, երբ «Ելք» դաշինքի կազմում խորհրդարանում ծավալում էր ընդդիմադիր գործունեություն:
Վարչապետի պաշտոնակատարը հիշեցրեց նաև, որ հեղափոխությունից առաջ խոստացել են, որ վենդետա չեն իրականացնելու և վենդետաներ չեն եղել:
«Մենք միշտ չէ, որ գնացել ենք մեր քաղաքական շահի հետևից, բայց մենք միշտ գնացել ենք մեր հայտարարած արժեքների հետևից»,- ասաց Փաշինյանը:
«88 հոգանոց «Իմ քայլը» խմբակցությունը, անցնելով ամենադաժան փորձություններով, այսօր միասնական է և կատարել է իր ամենամեծ առաքելությունը՝ ժողովրդից ստացած իշխանությունը վերադարձնում է ժողովրդին»,- ընդգծեց Փաշինյանը:
Մանրամասները՝ տեսանյութում:
