19.11.2024 | 12:19
Բաքուն արձագանքել է ԵԽ-ի՝ ԼՂ-ից տեղահանված հայերի վերադարձի համար պայմաններ ստեղծելու կոչին
2018-ի ապրիլին Ղարաբաղի հարցով «Точка невозврата»-ն անցել էինք արդեն․ Փաշինյան. ՏԵՍԱՆՅՈՒԹ
Քաղաքականություն
10.05.2021 | 13:30
Երեք տարվա ընթացքում իմ կառավարման ամենամեծ բացթողումը համարում է 44-օրյա պատերազմը և Լեռնային Ղարաբաղի հարցի շուրջ զարգացումները: Այս մասին ԱԺ հատուկ նիստում նշեց վարչապետի պաշտոնակատար Նիկոլ Փաշինյանը՝ պատասխանելով անկախ պատգամավոր Սերգեյ Բագրատյանի հարցին:
«Մեր ամենամեծ խնդիրը 44-օրյա պատերազմն է և այն զարգացումները, որ տեղի են ունեցել Ղարաբաղի հարցի շուրջ: Հատկապես 44-օրյա պտերազմից հետո անընդհատ վերադառնում եմ 2018թ. և փորձում եմ այն ժամանակվանից դասավորել ամեն ինչ նորից: Իմ կարծիքով, 2018թ. ապրիլի դրությամբ մենք Ղարաբաղի հարցում «точка невозврата»-ն՝ անդառնալիության կետն անցել էինք արդեն, դա միանշանակ»,- ասաց Փաշինյանը:
Վարչապետի պաշտոնակատարը նշեց, որ ամենամեծ ձեռքբերումը համարում է այն, որ Հայաստանի քաղաքացին զգում է իրեն՝ որպես երկրի տեր:
«Ամենամեծ ձեռքբերումն այն է, որ ՀՀ քաղաքացին համարում է, որ ինքն է տերն իր երկրի, և դա, ի վերջո, այն նպատակն էր, որի համար 2018թ. արվել է ոչ բռնի, թավշյա, ժողովրդական հեղափոխությունը: Այդ նպատակն իրագործված է»,- նշեց Նիկոլ Փաշինյանը:
Մանրամասները՝ տեսանյութում:
