19.11.2024 | 11:25
Թբիլիսիում ընդդիմությունը պատրաստվում է վերսկսել բողոքի ցույցերը դրանք ցրելուց հետո
Նվազագույն ռեսուրսներով հասնել առավելագույն արդյունքի․ հաշվեքննիչ պալատի անդամի թեկնածուի ելույթը. ՏԵՍԱՆՅՈՒԹ
Քաղաքականություն
07.05.2021 | 12:34
Խորհրդարանում Հաշվեքննիչ պալատի անդամի ընտրության հարցի քննարկման ժամանակ թեկնածու Գեղամ Հովեյանը մինչ իր աշխատանքային փորձն ու տեսլականը ներկայացնելը նախ շնորհակալություն հայտնեց իր թեկնածությունն առաջադրելու համար:
Թեկնածուն նշեց, որ խոշորացված համայնքների ձևավորումը, կենտրոնական իշխանության կողմից պատվիրակված բազմաթիվ լիազորությունները, սուբվենցիոն ծրագրերով հսկայածավալ աշխատանքների իրականացումը մարզերում պահանջում են նաև նոր տեսակի հաշվեքննության իրականացում:
«Առաջարկելու եմ ավելի շատ ռեսուրս տրամադրել համայնքների հաշվեքննության համար և հետագայում կիրառել հաշվեքննության նոր գործիքակազմ: Հաշվեքննիչ պալատը պետք է իր ծրագրերում պարբերաբար նախատեսի համայնքային բյուջեների հաշվեքննություն»,- ասաց Հովեյանը՝ հավելելով, որ ընտրվելու դեպքում պատրաստակամություն է հայտնում նպաստել այդ ծրագրերի իրագործմանը և իր մասնակցությունը հիմնականում տեսնում է որակական նոր պահանջներին համապատասխան առանձին հաշվեքննություններ համակարգելու գործընթացում, ինչպես նաև մյուս հաշվեքննությունների վերաբերյալ իր մասնագիտական դատողությունները ներկայացնելու մեջ:
Մանրամասները՝ տեսանյութում:
