19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Պատերազմը ես իմ հոր տնից չեմ բերել, այդ պատերազմում հայտնվել է ՀՀ-ն. Արուսյակ Ջուլհակյան
Քաղաքականություն
03.05.2021 | 17:17
Սերժ Սարգսյանը պարտվել է մեկ սուբյեկտի, և դա Հայաստանի Հանրապետության ժողովուրդն է: Այս մասին ԱԺ-ում լրագրողների հետ ճեպազրույցում նշեց «Իմ քայլը» խմբակցության պատգամավոր Արուսյակ Ջուլհակյանը՝ անդրադառնալով դիտարկմանը, որ Սերժ Սարգսյանը հայտարարել է, թե չի պարտվել Նիկոլ Փաշինյանին և գործող իշխանությանը, այլ պարտվել է շատ ավելի ուժեղ մարդկանց, շատ ավելի մեծ ուժերի:
«ՍԵրժ Սարգսյանը եթե խոսում է դրսի ուժերի մասին, դա կրկնակի դատապարտելի է, քանի որ դա նշանակում է, որ նա իշխանությունը փաստորեն դրսի ուժերի՞ն է փոխանցել»,- նշեց պատգամավորը:
«2018թ. ՀՀ ժողովուրդը մերժել է ոչ միայն Սերժ Սարգսյանին, այլ նաև այն ամբողջ համակարագը, որը նա չէր ստեղծել, բայց պահում էր, և այդ արժեհամակարգը այլևս չի կարող վերականգնվել ՀՀ-ում, քանի որ մեր ժողովուրդն արդեն ճաշակել է իշխանություն ունենալու բերկրանքը և չի կարող իր իշխանությունը հանձնել այդ ուժերին»,-ասաց Ջուլհակյանը:
Անդրադառնալով դիտարկմանը, որ իշխանությունը երեք տարի այնպես է կառավարել, որ հիմա կարիք է առաջացել ապացուցելու, թե կա ապագա, Ջուլհակյանը նշեց. «ՀՀ-ի համար 2020թ. շատ բարդ էր, որն սկսվել է կորոնավիրուսի համավարակով և ավարտվել պատերազմի արհավիրքով… Պատերազմը ես իմ հոր տնից չեմ բերել, այդ պատերազում ՀՀ-ն է հայտնվել հստակ պատճառներով…»,- նշեց պատգամավորը: Պարտութունը ծնկի է բերել և խոր ցավ է պատճառել բոլորիս: Բայց Հայաստանը և Արցախը ունեն ապագա: Պատերազմը մեր քաղաքականության հետևանքով չի սկսվել»:
Մանրամասները՝ տեսանյութում:
