19.12.2025 | 21:41
Հայաստանը Ժնևում քննարկել է փախստականների խնդիրների հասցեագրման իր մոտեցումները
Բոլոր ուժերից նախընտրական ցուցակում ընդգրկվելու առաջարկ եմ ստացել. Թագուհի Թովմասյան. ՏԵՍԱՆՅՈՒԹ
Քաղաքականություն
03.05.2021 | 12:35
Եղել է առաջարկ և այն քննարկման փուլում է, որևէ հավանականություն չկա, որ այդ առաջարկը կբավարարվի: Այս մասին լրագրողների հետ զրույցում նշեց ԱԺ անկախ պատգամավոր Թագուհի Թովմայանը՝ մեկնաբանելով ՀՀԿ-«Հայրենիք» դաշինքի ցուցակում իր ներգրավվածության մասին տեղեկությունները:
«Ո՛չ ես եմ հաստատել, ո՛չ Արթուր Վանեցյանը, հետևաբար, խոսել այն մասին, ինչը երկու դերակարտարները չեն հաստատում՝ աբսուրդ է»,- նշեց պատգամավորը:
Նա ընդգծեց, որ մի շարք հարցեր ունի, որոնց պատասխանները պետք է ստանա իրեն ընտրության գնալու առաջարկ անող կողմերից: «Այո, ես ասել եմ, որ բոլորից առաջարկներ ունեմ և հիմա ուզում եմ հայտարարել, որ ես ունեմ մի շարք հարցեր մեր երկրի անվտանգության, արժանապատվության, մեր ապագայի, ինչպես նաև Արցախի ապագայի վերաներյալ: Ես այդ հարցերի պատասխանը պետք է ստանամ բոլոր այն կողմերից, որոնցից ստանում եմ առաջարկներ, որ հասկանամ, թե իմ քաղաքական ապագան ում հետ եմ կառուցում»,- նշեց Թովմասյանը՝ ընդգծելով, որ բոլոր կողմերից առաջարկ է ստացել, բայց անուններ չի բարձրաձայնի:
Թովմասյանը տեղեկացրեց, որ որոշում դեռ չունի և հավելեց, որ ամենևին պարտադիր չէ ինչ-որ մեկի հետ ընտրության գնալու որոշում կայացնի: «Գուցե ես քաղաքական «թայմ աութ» եմ վերցնում և առաջիկա ընտրություններին չեմ մասնակցում: Ինքս ինձ պետք է համոզեմ՝ ինչ եմ ուզում»:
Մանրամասները՝ տեսանյութում:
