23.11.2024 | 10:41
ՀՀ տարածքում ավտոճանապարհներն անցանելի են
«Ավրորա» նախաձեռնության կազմակերպած քննարկմանը Մանե Թանդիլյանը ներկայացրել է Արցախում առաջիկայում իրականացվելիք ծրագրերը
Հասարակություն
02.05.2021 | 17:29
«Ավրորա» մարդասիրական նախաձեռնության կողմից կազմակերպված՝ «Գործընկերություն հանուն Արցախի» քննարկմանը մասնակցում է նաև ԱՀ աշխատանքի, սոցիալական և միգրացիայի հարցերի նախարար Մանե Թանդիլյանը:
Միջոցառմանը ներկա են նախաձեռնության «Ավրորան՝ Արցախին» ծրագրի գործընկերները, տեղական և Սփյուռքի կազմակերպություններ, հիմնադրամների անդամներ, Արցախից պետական պաշտոնյաներ և զանգվածային լրատվամիջոցների ներկայացուցիչներ:
ԱՀ աշխատանքի, սոցիալական և միգրացիայի հարցերի նախարարությունից հայտնում են, որ քննարկման ընթացքում Մանե Թանդիլյանը ներկայացրել է հետպատերազմյան Արցախի սոցիալական իրավիճակը, առաջիկայում իրականացվելիք ծրագրերը՝ մատնանշելով այն հիմնական խնդիրները, որոնք հաջողվել է հաղթահարել և տեղեկացրել Արցախի սոցիալական գերատեսչության առջև հետայսու դրված առաջնահերթությունների վերաբերյալ:
