Քաղաքականություն
23.04.2021 | 13:04«Սյունեցիների կողմից վարչապետը շատ ջերմ ընդունելության է արժանացել, ինչ վերաբերում է վիրավորանքներին, դա խուլիգանների նախաձեռնությունն է, միշտ էլ այնտեղ խուլիգաններ եղել են, մինչև 2018թ. այդ խուլիգանները եղել են իշխանություն»,- այս մասին Factor.am-ի հետ զրույցում նշեց «Իմ քայլը» խմբակցության պատգամավոր Վահագն Հովակիմյանը՝ հավելելով, որ երբ այդ խուլիգանները իշխանություն էին, նույն կերպ չէին թողնում, որ մարդիկ շփվեին ընդդիմության ներկայացուցիչների հետ:
Անդրադառնալով վարչապետի՝ ուժային կառույցներին ուղղված հրահանգին՝ պատգամավորը նշեց, որ դա ընդամենը այդ ամենին իրավական ընթացք տալ է, և օրենքով բոլոր մեղավորները պետք է պատասխանատվության ենթարկվեն:
«Սյունեցիների օբյեկտիվ դժգոհությունն այլ բան է, դա կա, և դա պետք է լսելի լինի, բայց այս խուլիգանությունը լռեցրեց օբյեկտիվ դժգոհությունների ձայնը»,- նշեց Հովակիմյանը՝ հավելելով, որ Սյունիքում անտերության քող ստեղծելու փորձ է արվում:
Անդրադառնալով դիտարկմանը, որ Լևոն Տեր-Պետրոսյանը Փաշինյանի այցը Սյունաց արշավանք որակեց և նշեց, որ ամենանողկալին այն դրվագն էր, երբ վարչապետը առանց տանտիրոջ թույլտվության ներխուժել էր շուռնուխեցու բնակարան, Հովակիմյանը նշեց. «Ամենացավալին այն է, ինչ կատարվում է Լևոն Տեր-Պետրոսյանի հետ վերջին մի քանի ամիսներին»:
Մանրամասները՝ տեսանյութում:
