30.06.2026 | 21:28
Հրդեհ Արմավիրի ավտոտնակներից մեկում. այրվել է Chevrolet մակնիշի ավտոմեքենա
Ձեզ հետ վիճելն անիմաստ է․ Փաշինյանը՝ Գորգիսյանին. ՏԵՍԱՆՅՈՒԹ
Քաղաքականություն
14.04.2021 | 13:52
«Ձեր ելույթում մեղավոր են բոլորը՝ նախկինները, Մինսկի խումբը, հանրությունը, գեներալները։ Ուզում եմ հասկանալ՝ ձեր մեղքի բաժինը չեք տեսնո՞ւմ։ Կամ, ի՞նչ է նշանակում, թե գեներալները որոշում էին, իսկ դուք մոդերացիա էինք անում։ Դուք չէիք այս ամբիոնից ասո՞ւմ, որ գերագույն գլխավոր հրամանատար եք։ Դուք մոդերատո՞ր եք, թե վարչապետ ու գերագույն գլխավոր հրամանատար»,- ԱԺ նիստում դիմելով ՀՀ վարչապետ Նիկոլ Փաշինյանին՝ նշեց «Լուսավոր Հայաստանի» պատգամավոր Գևորգ Գորգիսյանը։
Փաշինյանը նախ պատասխանեց,որ քանիցս ասել է, որ ինքն է թիվ մեկ պատասխանատուն: «Այո, ունեմ մեղավորության իմ բաժինը, բայց դա չի նշանակում, թե ոմանք պետք է առիթավորվեն. «Ինչ վերաբերում է մոդերացիային, ապա այո, ես ինձ իրավունք չեմ վերապահել մտնել ռազմական գործի նրբությունների մեջ։ Այդ օպերացիան չի եղել ամենեւին «Լելե թեփեն» գրավելու մասին, այլ եղել է ճեղքման սեկտորը փակելու մասին»,- նշեց վարչապետը:
«Դուք անընդհատ փորձում եք արդարանալ, այդ թվում՝ Ձեզ պատասխանատու համարելով, բայց ոչ մեղավոր: Այդ ճանապարհին անընդհատ վնաս եք հասցնում ՀՀ-ին: Այս ճանապարհին անընդհատ ինչ-որ բաներ եք ասում, որոնք մեկը մյուսին հակասում են ու Ձեր տված բոլոր խոստումները սկում եք հերթով դրժել: Ասացիք՝ կապիտուլյացիա չի ստորգրվի՝ ստորագրեցիք, ասացիք՝ մի գիշերվա մեջ չի որոշվի Արցախի հարցը, հրապարակում կորոշվի՝ չարեցիք: Այն, ինչ ասել եք՝ չի լինելու, եղել է», – նշեց պատգամավորը՝ հավելելով, որ Փաշինյանը շարունակում է իրեն պահել նույն ինքնավստահ սնապարծությամբ, ինչպես՝ 2018թ.:
«Ձեզ հետ վիճելն անիմաստ է», – ի պատասխան Գորգիսյանի՝ ասաց Նիկոլ Փաշինյանը:
Մանրամասները՝ տեսանյութում:
