10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Պատերազմում կորցրի երկու տղաներիս. պահանջում եմ, որ բացահայտվի իրենց զոհվելու պատճառը. ՏԵՍԱՆՅՈՒԹ
Հասարակություն
12.04.2021 | 17:17
44-օրյա պատերազմում իր 18-ամյա և 21-ամյա որդիներին կորցրած Արթուր Թևոսյանը պահանջում է պարզել նրանց զոհվելու պատճառները։ Ազգային ժողովում պատգամավորների հետ հանդիպումից հետո, լրագրողների հետ զրույցում Արթուր Թևոսյանը պատմեց, որ իր որդիներին 73 այլ զինվորի հետ, հոկտեմբերի 11-ին, դիրքերից իջեցրել են ու տարել Հադրութի ուղղությամբ, որտեղ էլ նրանք զոհվել են։
«Դրանից հետո ոչ մի տեղեկություն չունենք նրանց մասին, մի քանի ամիս էր մեզ խաբում էին, որ նրանք ապահով վայրում են, բայց հետո ԴՆԹ հանձնեցինք և տղաներիս մարմինները գտանք. նրանց հուղարկավորել ենք Եռաբլուրում։ Իրենց հրամանատարների հետ կապ եմ հաստատել, որ գան, բացատրության տան, թե ինչ հանգամանքներում են զոհվել որդիներս, բայց ապարդյուն»,- նշեց Թևոսյանը։
Դեպքի առթիվ Քննչական կոմիտեում քրեական գործ է հարուցվել: Արթուր Թևոսյանը երկու անգամ եղել է նաև վարչապետ Նիկոլ Փաշինյանի մոտ, բայց գործն առաջ չի գնում։ Արթուր Թևոսյանը պահանջում է, որ գործի քննվի ԱԱԾ-ում։
Մանրամասները՝ տեսանյութում:
