03.07.2026 | 05:09
ԱԱ-2026. Պորտուգալիան հաղթանակ կորզեց ու կխաղա Իսպանիայի հետ. ՏԵՍԱՆՅՈՒԹ
Բիշքեկի դատարանը կալանքի տակ է թողել նախկին նախագահ Ալմազբեկ Աթամբաևին
Քաղաքականություն
02.04.2021 | 19:26
Ապրիլի 2-ին Բիշքեկի Պերվոմայսկի շրջանային դատարանը երկու ամսով երկարացրել է Ղրղզստանի նախկին նախագահ Ալմազբեկ Աթամբաևի կալանքի ժամկետը: Այսպիսով, Աթամբաևն անազատության մեջ կմնա մինչև հունիսի 7-ը, գրում է DW-ի ռուսական ծառայությունը:
2020 թվականի հունիսին Աթամբաևը, որը Ղրղզստանը ղեկավարել է 2011-2017 թվականներին, մեղավոր է ճանաչվել քրեական հեղինակություն Ազիզ Բատուկաևի ապօրինի ազատման գործով կոռուպցիայի մեջ և դատապարտվել 11 տարի և երկու ամիս ազատազրկման: Ղրղզստանի պատիժների կատարման պետական ծառայության նախագահ Կալիբեկ Կաչկինալիևը նույն գործով դատապարտվել է երկու տարվա ազատազրկման: Դատարանը որոշում էր կայացրել նաև Աթամբաևի ունեցվածքը բռնագանձելու և նրան պետական կոչումներից ու պարգևներից զրկելու մասին:
2020-ի նոյեմբերի վերջին Ղրղզստանի Գերագույն դատարանը չեղյալ է համարել Աթամբաևի դատավճիռը և նրա գործը վերանայելու համար ուղարկել է Բիշքեկի Պերվոմայսկի շրջանային դատարան: Հունվարի 4-ին Աթամբաևը տեղափոխվել էր հիվանդանոցային տիպի գաղութ՝ առողջական վիճակի վատթարացման պատճառով:
Տաթև Ֆռանգյան
