11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Առաջիկայում Սպուտնիկ V պատվաստանյութի ներմուծում ենք ակնկալում․ նախարար. ՏԵՍԱՆՅՈՒԹ
24.03.2021 | 18:14
Հայաստանում կորոնավիրուսով հիվանդացության մինչև 300 կրկնավարակի դեպք է գրանցվել: Ազգային ժողով-կառավարություն հարցուպատասխանի ժամանակ այս մասին հայտարարել է ՀՀ առողջապահության նախարար Անահիտ Ավանեսյանը:
Նախարարն անդրադարձավ նաև պատվաստման գործընթացին՝ ընդգծելով, որ Հայաստանն ամբողջ ուժով լծված է մի շարք հարթակներով պատվաստանյութերի ձեռքբերման գործընթացն ապահովելուն:
«Այս պահին Կառավարությունը բավական ֆինանսական միջոցներ հատկացրել է այս ընթացքը տանելու: Ներկայումս մենք «Կովաքս» հարթակի միջոցով արդեն ունենք նախնական պայմանավորվածություն և կնքված պայամնագիր, որի շրջանակներում պիտի ունենանք պատվաստանյութ: Բացի դրանից՝ ունենք երկկողմանի համաձայնություններ ՌԴ-ի հետ, որտեղից առաջիկայում ակնկալում ենք «Սպուտնիկ V» պատվաստանյութի ներմուծում, և պիտի ամբողջ թափով պատվաստումն իրականացնենք: Այս պահին իրականացնում ենք միայն ռիսկի խմբի քաղաքացիների և բուժաշխատողների պատվաստումը»,- նշեց Ավանեսյանը՝ հավելելով, որ առայժմ պատվաստվել է մոտ 600 մարդ:
Մանրամասները՝ տեսանյութում:
