15.11.2024 | 19:16
Միրզոյանը հեռախոսազրույց է ունեցել Ֆրանսիայի՝ Եվրոպայի և արտաքին գործերի նախարարի հետ
Իրանը կոչ է արել Թուրքիային դադարեցնել ռազմական գործողությունները Սիրիայում
Քաղաքականություն
06.02.2018 | 12:08
Իրանի արտաքին գործերի նախարարությունը (ԱԳՆ) Թուրքիային կոչ է արել վերանայել Սիրիայի հարցում իր դիրքորոշումը. փոխանցում է EH-ն:
Թուրքական «Yurt» թերթի կայքի տեղեկացմամբ՝ Իրանի ԱԳՆ խոսնակ Բեհրամ Քասըմին անդրադարձել է Թուրքիայի կողմից Աֆրինում սանձազերծված ռազմական գործողություններին։
Խոսնակը նշել է, որ Թուրքիան պետք է դադարեցնի Սիրիայում ծավալվող ռազմական գործողությունները:
«Այդ գործընթացը կարող է նպաստել, որ ահաբեկիչներն ու անկայունությունը վերադառնան Սիրիա», – նշել է Քասըմին։
«Թուրքիան պետք է վերանայի իր դիրքորոշումը։ Սիրիայի հետ կապված բոլոր հարցերը կարող են քննարկվել Աստանայի գործընթացում»,- հավելել է Իրանի ԱԳՆ խոսնակը
