01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Բայրամովը հայտարարել է, թե Բաքուն նոյեմբերի 10-ից հետո գերեվարված հայերին ռազմագերի չի համարում
Քաղաքականություն
15.03.2021 | 20:12
Նոյեմբերի 10-ի եռակողմ հայտարարությունից հետո Արցախում գերեվարված հայերին Բաքուն ռազմագերի չի համարում։ Այս մասին հայտարարել է Ադրբեջանի ԱԳ նախարար Ջեյհուն Բայրամովը։
«Ադրբեջանը Հայաստանին է վերադարձրել բոլոր ռազմագերիներին։ Անձինք, որոնք ձերբակալվել են Ադրբեջանի տարածքում 2020թ․ նոյեմբերի 26-ին, ռազմագերի չեն»,- ասել է ադրբեջանցի պաշտոնյան ԵԱՀԿ գործող նախագահ, Շվեդիայի արտգործնախարար Անն Լինդեի հետ ճեպազրույցի ընթացքում։
Հիշեցնենք, որ ռազմական գործողությունների ավարտից հետո Հադրութի Հին Թաղեր ու Խծաբերդ բնակավայրերում Շիրակի մարզի տարբեր համայնքների 62 զինվորականներ գերեվարվեցին Ադրբեջանի կողմից։ Նրանց նկատմամբ Ադրբեջանի իշխանությունները հարուցել են տարբեր քրեական գործեր, որակել դիվերսանտներ ու հրաժարվում են հետ վերադարձնել։ 8 շիրակցիներ արդեն վերադարձել են․ հունվարի 28-ին Հայաստան վերադարձավ 5 շիրակցի գերի, փետրվարի 8-ին՝ ևս 5-ը, որոնցից 3-ը՝ Գյումրիից։ Մնացյալ 54 գերիները շարունակում են մնալ Ադրբեջանում։
Էմմա Չոբանյան
