Հոկտեմբերի 27-ի գործով անցնողներն այսօրվա հրապարակի դերակատարներ են․ Բաբաջանյանը՝ դիպուկահարների մասին. ՏԵՍԱՆՅՈՒԹ

Լուրեր

23.11.2026 | 02:06
Հենրիխ Մխիթարյանը մասնակցել է «Ինտերի»՝ 4:4 հաշվով ավարտված խաղին. ՏԵՍԱՆՅՈՒԹ
22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
Բոլորը

«Մենք Վճռաբեկ դատարանի նախագահին ընտրեցինք շատ ավելի հանդարտ միջավայրում. իմացեք, թե ում եք ընտրել ձեր թեկնածության ներկայացման համար»,- խորհրդարանում իր ելույթի ժամանակ նշեց ԱԺ անկախ պատգամավոր Արման Բաբաջանյանը՝ Վճռաբեկ դատարանի դատավորի ընտրության հարցի քննարկման ժամանակ դիմելով թեկնածուներին:

«Արդյո՞ք դատական համակարգում եղել են դատավորներ, որոնք լուռ համաձայն չեն եղել ԲԴԽ նախագահ Ռուբեն Վարդազարյանի հայտարարության հետ: Մենք մի ծպտուն չենք լսել. Վարդազարյանն էստեղ ասում է, որ հեղափոխությունից հետո ոչ մի ճնշում չկա դատական իշխանության նկատմամբ: Նույն հայտարարության մեջ նաև ասում է՝ այսօր թերևս տրվելու է 2 տարի ողջ հանրությանն ալեկոծած հարցի պատասխանը»,- նշեց Բաբաջանյանը:

Պատգամավորը հիշեցրեց, որ Վճռաբեկ դատարանի դատավորի ընտրությունը դեռևս դեկտեմբերին պետք է կայանար, սակայն թեկնածու Արսեն Մկրտչյանը հրաժարվել էր գալ ԱԺ:

«Որովհետև ուրիշ սպասումներ ունեիք, մտածում էիք՝ քաղաքական իրավիճակ է փոխվելու, գուցեև այլ իրավիճակում կգաք, ու ԱԺ-ն այլ ընտրություն կիրականացնի»,- դիմելով Մկրտչյանին՝ նշեց Բաբաջանյանը:

Պատգամավորը նկատեց, որ երեկվանից ԲԴԽ նախագահի պաշտպանությանն են լծվել նախկին իշխանությանը սպասարկող լրատվամիջոցները: «Ինձ համար շատ սպասելի էր, բա ի՞նչ էիք ուզում: Այդ մարդու բոլոր ընկերները Բաղրամյան պողոտայում են»,- նշեց Բաբաջանյանը:

Բաբաջանյանն անդրադարձավ նաև դիպուկահարների տեսարանին և Հոկտեմբերի 27-ի ու այս օրերի նմանություններին. «Տեսարանը իհարկե դաժան էր, բայց հետո մտաբերեցի, որ Հոկտեմբերի 27-ին էլ էր ԱԺ-ում Կառավարության հետ հարցուպատասխան, և Հոկտեմբերի 27-ի գործով նցնողներից շատերը, այսօրվա հրապարակի հիմնական դերակատարներն են… Նրանց մի բան է հուզում` որ հայ ժողովուրդը չընտրի իր իշխանությունը: Որտե՞ղ է Հոկտեմբերի 27-ի դատավոր Սամվել Ուզունյանը, ինչպե՞ս ճողոպրեց»:

Պատգամավորի կարծիքով` դատական համակարգը առողջացնելու համար ոչ մի սահմանադրական խոչընդոտ չկա, այլ միայն քաղաքական կամք է պետք. «Առանց դատական համակարգի առողջացման ընտրությունների գնալը մեծ արկածախնդրություն կլինի: Այդ դեպքում վարդազարյանների և նրա նմանների ներկայությունը դատական համակարգում ուղղակի սպառնալիք է մեր երկրին, մեր երկրի ժողովրդավարությանը, ինքնիշխանությանն ու պետականությանը»:

Մանրամասները՝ տեսանյութում: