01.08.2026 | 19:09
Քննարկվել է ազատազրկվածների պահման պայմանների բարելավումը
«Օրենքով գողեր» են կապվել ինձ հետ ու սպառնացել․ վեր ընկեք տեղներդ․ կգանք ձեր հետևից․ Բաբաջանյան. ՏԵՍԱՆՅՈՒԹ
Քաղաքականություն
04.03.2021 | 10:31
Ինչու դահլիճում չէ ԲԴԽ նախագահը, որը երեկ ներկայացրել էր դատավորի թեկնածուներին: Ազգային ժողովում Վճռաբեկ դատարանի դատավորի ընտրության հարցի քննարկման ժամանակ հետաքրքրվեց անկախ պատգամավոր Արման Բաբաջանյանը:
Պատգամավորը տեղեկացրեց, որ ԱԺ-ում երեկվա և նախորդ օրվա թեժ քննարկումներից հետո «օրենքով գողեր» են կապվել իր հետ՝ սպառնալից հայտարարություններով: «Իհարկե հասկանալի է, թե ովքեր են այսօր հովանավորվում դատական համակարգի կողմից, այդ թվում՝ ԲԴԽ-ի: Զգուշացնում եմ՝ սատանի մայլեն քյանդրբազություն չանեք, դուք իմ վախը վաղուց բռնել եք: Ես 3,5 տարի անազատության մեջ գտնվելով՝ «օրենքով գողերի» հետ էլ եմ նստել, քրեական հեղինակությունների հետ էլ եմ առնչվել, այնպես որ, վե՛ր ընկեք տեղներդ, ձեր գործերով զբաղվեք. կգանք ձեր հետևից»,- ասաց Բաբաջանյանը:
ԱԺ նախագահ Արարատ Միրզոյանն արձագանքեց՝ նշելով, որ ԲԴԽ նախագահ Ռուբեն Վարդազարյանը, ըստ էության, թեկնածուներին ներկայացնելուց հետո նեղ ընթացակարգային առումով այլևս անելիք, գործառույթ չունի հարցի քննարկման այս փուլում և կարող է նաև բացակայել այս նիստից:
«Անշուշտ, մեր պրակտիկայում և, կարծում եմ, մինչև մեզ եղած պրակտիկայում այնպես է եղել, որ հարց ներկայացնողը գուցե էթիկական տեսանկյունից մինչև վերջ ներկա է եղել Ազգային ժողովի նիստերի դահլիճում, սակայն գործառութային, ընթացակարգային առումով այլևս պարոն Վարդազարյանը որևէ անելիք չուներ:
Ինչ վերաբերում է ձեր ասածին՝ եթե սպառնալիքի տարրեր է պարունակում, դա հաղորդում է հանցագործության մասին: Պարո՛ն Բաբաջանյան, հրապարակավ հնչեցրել եք, կարող եք նաև հետամուտ լինել»,- ասաց Արարատ Միրզոյանը:
Մանրամասները՝ տեսանյութում:
