02.11.2026 | 10:30
ՄԻՊ-ի նիստում քննարկվել են դպրոցներում տեսահսկման համակարգերի կիրառման և երեխաների անձնական տվյալների պաշտպանության հարցեր
Ներողություն եմ խնդրում, եթե իմ պահվածքում որևէ կերպ արհամարհական նշաններ եք զգացել․ Միրզոյան. ՏԵՍԱՆՅՈՒԹ
Քաղաքականություն
02.03.2021 | 10:53
«Պարո՛ն Միրզոյան, հիշում եք չէ, որ մենք էլ ենք Ձեզ ընտրել որպես Ազգային ժողովի նախագահ, հիշում եք, չէ՞»,- ԱԺ հերթական քառօրյային Արարատ Միրզոյանին հարց ուղղեց «Լուսավոր Հայաստան» խմբակցության անդամ Անի Սամսոնյանը։
«Ուզում եմ հասկանալ՝ ինչո՞ւ եք այդպես արհամարհական Ձեզ պահում այն խմբակցությունների նկատմամբ, որոնք ևս ընտրել են Ձեզ։ Ընդ որում, Ձեր պատասխանատվությունն ընդդիմության նկատմամբ ավելի մեծ է, քան՝ իշխանության նկատմամբ» – նշեց եց Անի Սամսոնյանը։
Արձագանքելով ԼՀԿ պատգամավորին՝ Արարատ Միրզոյանը նշեց, որ իրեն մեղադրել արհամարհական վերաբերմունքի մեջ, տեղին չէ։
«Ընդհանրապես, ես այդպիսի վարքագիծ ջանում եմ չդրսևորել, դա ինձ հատուկ չի։ Բայց եթե որևէ կերպ իմ պահվածքում այդպիսի նշաններ եք զգացել, ես ներողություն եմ խնդրում»,- նշեց Արարատ Միրզոյանը։
Հիշեցնենք՝ փետրվարի 26-ին՝ ժամը 11-ին նախատեսված էր ԱԺ խորհրդի արտահերթ նիստ, որը, սակայն, չէր կայացել, քանի որ ԱԺ նախագահ Արարատ Միրզոյանը չէր բացել այն։
Մանրամասները՝ տեսանյութում:
