Պնդում են, թե Սյունիքում անվտանգ է, թող գնան տեսնեն՝ թուրքը կանգնած է հայկական հողում. Աբովյան. ՏԵՍԱՆՅՈՒԹ

Իշխանությունը գտնվում է զուգահեռ իրականության մեջ և ունակ չէ սթափ գնահատել և ընդունել իրավիճակը. Թույլ տվեք չմեկնաբանել Նիկոլ Փաշինյանի կամ իշխանությունների հայտարարությունները, դրանք հաճախ իրարամերժ են, ընդհանրապես չեն համապատասխանում օրվա խնդրին: Այս մասին, այսօր՝ փետրվարի 26-ին, ԱԺ-ում լրագրողների հետ զրույցում նշեց ԱԺ ԲՀԿ խմբակցության քարտուղար Արման Աբովյանը՝ անդրադառնալով երեկ հանրահավաքում Նիկոլ Փաշինյանը կոչին, թե իրենք դադարեցնում են հանրահավաքը, թող ընդդիմադիրներն էլ դադարեցնեն, նստեն, խոսեն:

«Խնդիրն այն է, որ իշխանություններն այսօր կրկին ցույց տվեցին, որ կարևորագույն ինստիտուտը՝ Ազգային ժողովը, որն ըստ էության, գերգույն ինստիտուտն է Հայաստանում, իրենք փաստացի քաղաքական բոյկոտ են անում, եթե որևէ հարց իրենց օրակարգից դուրս է: ԱԺ-ի ղեկվարությունն ու «Իմ քայլի» անդամները տեսաք, որ չեկան ԱԺ խորհրդի նիստին: Դա նշանակում է, որ կամ իրենք կրկին ունակ չեն սթափ գնահատել իրավիճակը, կամ որոշել են ձեռքը թափ տալ ամեն ինչի վրա ու չգիտեմ ինչ օրակարգով շարժվել, որովհետև սա օրակարգ չէ: Սա զավեշտալի իրավիճակ է: Զարգացումներն իրենք են լարում: Մենք միշտ ասել և կրկնելու ենք, որ կանենք հնարավորն ու անհնարինը, որ չլինեն ըդնհարումներ, բախումներ: Իսկ միակ տարբերակը, որ դա չլինի, գործընթացները հասկանալի դաշտ բերելն է, իսկ իշխանությունը հասկանալի դաշտից դուրս է ընկել»,-հայտարարեց Արման Աբովյանը:

Անդրադառնալով ռազմական դրության անհրաժեշտ լինել-չլինելու խնդրին՝ Աբովյանը նշեց. «Եթե իրենք այդքան մտահոգ են ռազմական դրությունով և պնդում են, որ օրինակ, Սյունիքում իրավիճակը ոչ թե լավ է, այլ անվտանգության առումով երաշխիքներ կան, թող մի հատ գնան Սյունիք ու նայեն թուրք զինվորին, որը կանգնած է հայկական հողում, ինչքան էլ իրենք պնդեն ու հղումներ անեն Ադրբեջանի տրածքային ամբողջականությանը: Զավեշտալի է, երբ ասում ես՝ Շուռնուխում, Որոտանում, հարվային ամենառաանցքային ճանապարհի վրա մի քանի կետում Ադրբեջանի զինուժն է կանգնած, և ասում են՝ դե գիտեք ինչ կա, դա իրենց միջազգային սահմաններն են: Զուգահեռ ասում են՝ դեմարկացիա չկա: Բա եթե դեմարկացիա չկա, ոնց հասկանանք, որ իրենց զորքը կանգնած է»,- ասաց ԲՀԿ խմբակցության քարտուղարը:

Հարցին, թե ռազմական հեղաշրջման վտանգ տեսնո՞ւմ է, նա պատասխանեց. «Թույլ տվեք գնահատական չտամ: Ես գիտեմ միայն մի բան, որ յն ինչ կատարվել է, այն հայտարարությունները, որ հնչեցվել են, իրականում ռազմական հեղաշրջման հետ աղերս չունեն: Ես ցավում եմ, որ իրենք տեղյակ չեն, թե դա ինչպես է կատարվում: Փորձել պտտեցնել իրավիճակը, դա բերում է ծանրագույն իրավիճկի: Մենք այսօր փաստացի ապրում ենք ծանրագույն ճգնաժամի մեջ»:

Խասելով արտահերթ ընտրությունների մասին, Աբովյանը նշեց,որ ցանկացած դեպքում իշխանությունը ձևավորվելու է ընտրությունների միջոցով:

Մանրամասները՝ տեսանյութում: