20.05.2026 | 11:18
ԱՄՆ Սենատն առաջ է մղել Իրանի պատերազմում Թրամփի ռազմական լիազորությունները սահմանափակելու բանաձևը
Լյուքսեմբուրգի արտգործնախարարը՝ ԼՂ պատերազմի ժամանակ ադրբեջանաթուրքական հարձակումների մասին
Քաղաքականություն
24.02.2021 | 16:53
Լյուքսեմբուրգի արտգործնախարար Ժան Ասելբորնն անհանգստացած է ընդդեմ Արցախի Ադրբեջանի ու Թուրքիայի կողմից սանձազերծված ռազմական ագրեսիայի ժամանակ գրանցված մարդու իրավունքների ոտնահարումների դեպքերով։ Այս մասին նախարարը հայտարարել է Մարդու իրավունքների հարցերով խորհրդի 46-րդ նստաշրջանի ժամանակ։
«Մարդու իրավունքների հետ կապված իրադրությունը մշտապես վատթարանում է հակամարտությունների ժամանակ: Մենք դրա ականատեսը եղանք Ադրբեջանի և Թուրքիայի ղեկավարությամբ իրականացված հարձակման ժամանակ, որի հետևանքով Լեռնային Ղարաբաղն ավերվեց»,- հայտարարել է նա:
Ժան Ասելբորնը նաև հիշատակել է մարդու իրավունքների կոպիտ ոտնահարումների մասին աշխարհի տարբեր երկրներում, այդ թվում նաև Թուրքիայում։
«Ժողովրդավարության ոգին ապրում է գաղափարների քննարկման ու երկխոսության մեջ։ Երբ հնչում է միայն մեկ ձայն, դա սովորաբար լինում է ուժեղ ու ճնշող ձայն»,- ասել է նա։
Տաթև Ֆռանգյան
