17.12.2025 | 21:22
Արագածոտնի թեմը վաղվա պատարագը տեղափոխում է Մայր Աթոռ. այն կկայանա նույն ժամին, ինչ 10 եպիսկոպոսների հայտարարած հավաքն է
Կիևում ոստիկանների ու ցուցարարների միջև բախումների հետևանքով տուժել է 27 ոստիկան
Քաղաքականություն
24.02.2021 | 15:14
Կիևում Ուկրաինայի նախագահի նստավայրի դիմաց բողոքի ցույցերի ժամանակ տուժել է 27 ուժային։ Այս մասին հայտնում է «Վեդոմոստին»՝ հղում կատարելով Ուկրաինայի ոստիկանության տարածած հայտարարությանը։
«Ակցիայի ժամանակ մասնակիցներն օգտագործել են գազային նռնակներ ու ճայթռուկներ։ Իրավախախտումներ չկատարելու ոստիկանների նախազգուշացումներին չեն արձագանքել ու լեզվակռիվը վերածվել է բախումների։ Արդյունքում գազից աչքերի այրվածքներ են ստացել 27 ոստիկան ու Նացգվարդիայի զինծառայող»,- նշվում է գերատեսչության հայտարարության մեջ։
Ոստիկանության տվյալների համաձայն՝ բողոքի ցույցերին մասնակցել է շուրջ 2000 մարդ։ Ակցիայի 24 մասնակից ձերբակալվել է, ոստիկանության բաժանմունքներում բացատրագիր ներկայացնելուց հետո նրանց բաց են թողել։
Ուկրաինայի նախկին նախագահ Պետրո Պորոշենկոյի անվան հետ կապվող «Կապիտուլյացիայի դիմադրության շարժման» ակտիվիստները փետրվարի 23-ին հավաքվել են նախագահական նստավայրի առջև, հանդես եկել իրենց համախոհ Սերգեյ Ստերնենկոյին ավելի քան 7 տարի ազատազրկելու դատարանի որոշման դեմ՝ հայտարարելով, որ պայքարելու են դատավճռի փոփոխությանը և երկրի գլխավոր դատախազ Իրինա Վենեդիկտովայայի հրաժարականին հասնելու համար:
