08.11.2024 | 13:53
Ալիևը «Արևմուտքում նստած իսլամաֆոբներին ու ադրբեջանաֆոբներին» մեղադրել է ՀՀ-ին սպառազինելու և նոր պատերազմ հրաահրելու համար
Անկարայում շարունակվում է Թուրքիայում ՌԴ դեսպանի սպանության գործով դատական լսումները
Քաղաքականություն
19.02.2021 | 15:01
Անկարայում կկայանա դատական նիստ, որի ժամանակ կարող է հրապարակվել 2016 թվականին Թուրքիայում ՌԴ դեսպան Անդրեյ Կառլովի սպանության մեջ կասկածվողների դատավճիռը։ Այս հանցագործության մեջ մեղադրվում է 28 մարդ, թուրքական դատախազությունը խնդրում է ցմահ ազատազրկման դատապարտել նրանցից 8-ին, գրում է «Էխո Մոսկվին»։
Նրացից շատերին հետաքննությունը համարում է Թուրքիայի իշխանությունների ամենահայտնի ընդդիմադիր Ֆեթուլլահ Գյուլենի կողմնակիցներ։ Գյուլենը ևս հեռակա կարգով մեղադրվում է ռուս դեսպանի սպանության մեջ։ Մեղադրող կողմը կարծում է, որ կատարվածը եղել է Ռուսաստանի ու Թուրքիայի միջև հարաբերությունների խաթարման փորձ։ Սակայն դատախազությունը պահանջել է պատժել ոչ բոլոր մեղադրյալներին։ Կառլովի սպանության մեջ մեղադրվող 28 անձանցից 6-ին առաջարկվել է արդարացնել։
Հիշեցնենք՝ Թուրքիայում Ռուսաստանի դեսպան Անդրեյ Կառլովը սպանվել է 2016-ի դեկտեմբերին Անկարայում լուսանկարների ցուցահանդեսի բացմանը: Ըստ թուրքական իշխանությունների ՝ դիվանագետի վրա կրակել է տեղի ոստիկանության աշխատակիցը, ով սպանությունից հետո գնդակահարվել է։
Տաթև Ֆռանգյան
